Populære bibelvers fra Uˬ duˬ 26

Del

Naw maꞈ nehˬ-ehˇ ngaˇ jawˇ-eu laꞈ kʼoeˇ, naw maꞈ-euˬ Miˬyehˇ ngaˇ ya pyeuꞈ-awˇ, naw maꞈ ngaˬ-euˬ tsawˇ haˬ ya pyeuꞈ tehꞈ-a.

dzaˬ la gʼo cehˇ deuˬ bi muiˬ laˇ-awˇ, aˇ siˬ aˇ bawˇ deuˬ aˇ siˬ bi siˬ laˇ-eu gʼaˇ duˬ, aˇ yamˬ tsaˬ tsaˬ ni uˬ yehˇ bi yehˇ le ma.

“Ngaˬ-euˬ zahˇ dawˬ kʼoꞈ dawˬ deuˬ-ahˇ naw maꞈ naˇ haˬ geuꞈ-awˇ yaw dehꞈ dehꞈ naˇ

“Miˇ kʼahˬ saˇ-eu jeˬ, naw maꞈ-euˬ miˇ kʼahˬ kʼoeˇ taˆ ngaˇ bi keuˆ le-awˇ, tsawˇ haˬ tiˬ gʼaˬ-ahˇ-iˬ guˆ kʼaˇ maˬ za ni, naw maꞈ ya yuꞈ ya jawˇ tehꞈ-a. Miˇ kʼahˬ kʼoeˇ kʼahˬ laꞈ kʼoeˇ, haiˬ-eu jeˬ zaˬ deuˬ ngaˇ laˆ byoˆ-awˇ, guiˇ deuˆ-eu jeˬ kʼawꞈ maˬ jaˆ ni pyeuꞈ-iˇ tehꞈ-a.

Naw maꞈ-ahˇ ngaˇ guiˬ lahˬ biꞈ-awˇ, naw maꞈ-euˬ zaˬ deuˬ bi jeuˬ bi o le ma. Naw maꞈ nehˬ-ehˇ dzaˬ taˬ-euˬ saˇ jaˇ-ahˇ ngaˇ ziꞈ ma.

Naw maꞈ aˬ cawˬ zaˬ kʼaˆ maˬ ya geuꞈ-eu gʼaˇ duˬ, naw maꞈ-euˬ Miˬyehˇ, Sahˬpaˬ Miˬyehˇ pyeuꞈ-eu ngaˇ gʼaˬ, Iˇjiˇtuˆ miˇ kʼahˬ laꞈ kʼoeˇ neh naw maꞈ-ahˇ sheuˬ doˆ laꞈ-euˬ ma. Naw maꞈ-ahˇ daˇ awˆ taˬ-euˬ kʼaˆ baꞈ kawˬ ngaˇ ngawˬ kʼehꞈ-awˇ, naw maꞈ dawˇ coe ni yawꞈ-awˇ cah nya ni ngaˇ jahˇ-euˬ ma.”

Muiˬ-eu shawˇ-eu Sehˬ gʼawˆ laꞈ kʼoeˇ, naw maꞈ nehˬ-ehˇ ngaˇ jawˇ-awˇ, naw maꞈ-ahˇ ngaˇ maˬ byehˇ dzeh.

Sahˬpaˬ Miˬyehˇ ehˇ-eu, “Naw maꞈ uˬ duˬ tahˬ-eu gʼaˇ duˬ, tahˬ pahˬ aˬ ma mawˇ kawˇ tehˆ-eu maˬ ehˇ, kʼaˬ lo kʼawˇ zeuˇ ka tuˇ-eu maˬ ehˇ, kʼaˬ lo-ahˇ dzahˬ taꞈ taꞈ-eu maˬ ehˇ, maˬ ya jahˇ-a. Ngaˇ-aˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ ma.

Naw maꞈ mˇ dzaˬ kʼawꞈ dawˇ-eu za dui dui le-eu miˇ neh, cehˇ shuiꞈ keuˆ le ngeh, cehˇ oeˇ ya tahˬ dzeh gaˇ keuˆ tehꞈ-a.

Naw maꞈ tsawˇ haˬ ngaˬ gʼaˬ, aˬ cawˬ tiˬ yaˇ gʼaˬ-ahˇ gʼaˬ leˇ-awˇ, naw maꞈ tsawˇ haˬ tiˬ yaˇ gʼaˬ, aˬ cawˬ tiˬ muiˇ gʼaˬ-ahˇ gʼaˬ leˇ tehꞈ-a.

Naw maꞈ dzaˬ la gʼo cehˇ za dui dui le-eu miˇ neh, aˬ gaꞈ aˇ siˬ pyaˆ yamˬ-ahˇ keuˆ ni, cehˇ ya laˆ luiˆ luꞈ gaˇ keuˆ-awˇ, siˬ yoeˬ sehˬ-eu yamˬ-ahˇ keuˆ ni, aˬ gaꞈ aˇ siˬ pyaˆ pyaˆ-ehˇ ya jawˇ gaˇ keuˆ tehꞈ-a. Yawˬ ha kʼaˇ dzaˬ mawꞈ-eu jeˬ tiˬ byah tiˬ loꞈ jaˆ-awˇ, guˆ-eu gaˆ-eu jeˬ-ahˇ kʼahˬ lahˇ kʼaˇ maˬ za ni, naw maꞈ-euˬ miˇ kʼahˬ laꞈ kʼoeˇ, saˇ lehˆ ni naw maꞈ ya jawˇ tehꞈ-a.

Naw maꞈ-ahˇ muiˇ-eu tsawˇ haˬ deuˬ-ahˇ naw ma teh-awˇ, naw maꞈ-euˬ mi cehˇ uˬ moˆ, aˬ yawꞈ maꞈ saꞈ gʼawˇ li tehꞈ-a.

Uˬ duˬ tahˬ-eu zahˇ sahˇ kʼoꞈ-ahˇ taꞈ leˇ-eu bawˬ-iˬ deuˬ naw maꞈ maˬ byehˇ-ehˇ, ngaˬ-ahˇ uˬ duˬ tahˬ-eu jawˇ duˬ-ahˇ naw maꞈ yaw zeu ya baw meh. Ngaˇ-aˬ, Sahˬpaˬ Miˬyehˇ ma.