Kʼoeˇ ngeh, sahˬ paˬ kʼoeˇ gʼaˬ Yoˇsehˆ-ahˇ ehˇ nehˬ-eu, “Gaˇ kawˆ heu deuˬ dawˬ tawˆ luꞈ, Miˬyehˇ neh nawˬ-ahˇ pah mehˬ nehˬ-euˬ meh. Kʼoeˇ miˇ neh, nawˇ-aˬ, yawˬ gʼaˬ na luꞈ naˆ maˬ tseˇ tsawˇ gahˇ ahˇ-awˇ, noeˬ siˬ noeˬ mawˇ nya dzehˬ-eu yaw duˬ baw meh lehˇ nga maꞈ siˬ nya ma. Ngaˇ nawˬ-ahˇ ngaˬ-euˬ miˇ kʼahˬ kʼoeˇ taˆ uˆ lahˇ-eu gʼaˬ bi geuꞈ-awˇ, ngaˬ-euˬ tsawˇ haˬ dawˬ tawˆ luꞈ, nawˬ-euˬ ehˇ dawˬ-ahˇ bi naˇ haˬ ma. Nawˇ naˆ maˬ tseˇ baoˬ huiˬ dzehˬ-eu tsawˇ haˬ ngaˇ tiˬ gʼaˬ jawˇ-eu tehꞈ ma.