Populære bibelvers fra Aˇ dahˬ 25

Del

Sahˬpaˬ Miˬyehˇ aˬ yawꞈ-ahˇ ehˇ nehˬ-eu, “Nawˬ-euˬ uˬ maˆ laꞈ kʼoeˇ tsawˇ jeuˬ nyiˬ jeuˬ uˇ luꞈ-eu meh. Tiˬ jeuˬ tiˇ jeuˬ maˬ tsaˬ leˇ-eu tsawˇ jeuˬ nyiˬ jeuˬ-ahˇ nawˇ ya bi dehꞈ doˆ le tehꞈ-a. Tsawˇ jeuˬ tiˬ jeuˬ-aˬ, yawˬ jeuˬ yawˬ naˆ maˬ tseˇ gʼaˬ kʼaˆ dzehˬ tehꞈ-a. Aˬ yuiꞈ gʼaˬ-aˬ, aˬ nyiˇ gʼaˬ-euˬ laꞈ oꞈ ya awꞈ tehꞈ-a.”

“Nawˬ-euˬ dzaˇ yaw neˇ teu ngaˬ-ahˇ ui cuiˆ bi dzaˬ laꞈ sheˇ” lehˇ, Yaˬkoˆ-ahˇ ehˇ nehˬ-euˬ meh. (Kʼoeˇ miˇ neh, Iˇsawˇ-ahˇ aˬ cawˬ Eˬdoˬ lehˇ kuˇ-euˬ meh.)

Leˬbehˇkaꞈ zaˬ maˬ jawˇ le-eu miˇ neh, zaˬ jawˇ le nya ni, Sahˬpaˬ Miˬyehˇ-ahˇ Iˇtsaˆ guiˬ lahˬ shaˇ-euˬ meh. Aˬ yawꞈ-euˬ guiˬ lahˬ shaˇ dawˬ-ahˇ Sahˬpaˬ Miˬyehˇ naˇ haˬ nehˬ-awˇ, aˬ nyiˇ pi leˇ-euˬ meh.

“Biꞈ nehˬ tehꞈ-a. Ngaˇ hawˬ mehꞈ mehꞈ-eu shiˇ-eu keuˆ laˇ taˬ-euˬ-aˬ, aˬ li aˬ yuiꞈ gʼaˬ-euˬ aˇ yaˬ aˬ jeˬ paˇ jahˇ-eu” lehˇ, Yaˬkoˆ-ahˇ Iˇsawˇ ehˇ nehˬ-euˬ meh. “Nawˬ-euˬ aˇ yaˬ ngaˬ-ahˇ biꞈ tsehˆ tsehˆ ma lehˇ, saˇ jaˇ jeˬ huˬ dzaˬ-awˬ” lehˇ, Iˇsawˇ-ahˇ Yaˬkoˆ paˇ ehˇ nehˬ-euˬ meh. Kʼoeˇ ngeh, Iˇsawˇ saˇ jaˇ dzaˬ-awˇ, aˬ yawꞈ-euˬ aˇ yaˬ Yaˬkoˆ-ahˇ biꞈ-euˬ meh. Kʼoeˇ naˇ, gʼawˬ nyoeˇ dzaˇ uiˇ hawˇ-eu kaˬ muˇ, Yaˬkoˆ neh Iˇsawˇ-ahˇ biꞈ nehˬ-awˇ bi dzaˬ-euˬ meh.

Jeˬ nah dehꞈ le-euˬ gʼaˬ-aˬ, Iˇsawˇ-euˬ aˬ kuiˇ kuiˇ nuiꞈ-ahˇ ziꞈ dah ni tsuˆ tehˬ-awˇ dehꞈ doˆ le-euˬ miˇ neh, Yaˬkoˆ lehˇ myahˇ nehˬ-euˬ meh. Aˬ yawꞈ nyaꞈ nmˇ dehꞈ le ngeh, Iˇtsaˆ koꞈ tseˇ kʼoꞈ kʼawˆ laˇ-euˬ meh.

Iˇtsaˆ-aˬ, Iˇsawˇ neh beuˆ sehꞈ leꞈ-euˬ shaˬ jiˇ tiˬ kʼehˬ maˬ taˬ ni ya dzaˬ-eu miˇ neh, Iˇsawˇ-ahˇ gaˬ dzehˬ-awˇ, Leˬbehˇkaꞈ-aˬ, Yaˬkoˆ-ahˇ gaˬ dzehˬ-eu meh.