Yuꞈ maˆ laꞈ kʼoeˇ, Aˬbiˇmaˬlehˆ-ahˇ Miˬyehˇ heu loꞈ-ehˇ paˇ ehˇ nehˬ-euˬ meh. “Ngeuˇ meh. Nawˇ nui ma shawˇ jehˆ ni taˬ-eu laꞈ kʼoeˇ, kʼoeˇ loꞈ-ehˇ mˇ-euˬ meh lehˇ ngaˇ siˬ nya ma. Kʼoeˇ miˇ neh, ngaˬ-euˬ mehˬ shi nawˇ iˬ baˇ maˬ ya mˇ ni, zaˬ miˬ zaˬ heu gʼaˬ nehˬ-ehˇ nawˬ-ahˇ ngaˇ maˬ bi jawˇ taꞈ-aˬ. Ehˇ kʼawꞈ, nymˬ-mˇ mi naˆ-ehˇ, zaˬ miˬ zaˬ heu gʼaˬ aˬ yawꞈ-euˬ kʼaˬ dzeˇ zaˬ-ahˇ a kʼoꞈ nehˬ-awˬ. Aˬ yawꞈ-euˬ kʼaˬ dzeˇ zaˬ-aˬ, Miˬyehˇ gʼaˇ duˬ ngehˬ dah-eu tsawˇ haˬ pyeuꞈ-eu meh. Nawˇ maˬ ya shiˇ-eu gʼaˇ duˬ aˬ yawꞈ guiˬ lahˬ shaˇ nehˬ laꞈ tehꞈ-a. Ehˇ kʼawꞈ, ngaˇ nawˬ-ahˇ heu loꞈ-ehˇ ehˇ-eu ma. Zaˬ miˬ zaˬ heu gʼaˬ-ahˇ, aˬ yawꞈ-euˬ kʼaˬ dzeˇ zaˬ-euˬ aˬ laꞈ laꞈ kʼoeˇ maˬ a kʼoꞈ nehˬ naˇ, nawˇ ya shiˇ tehꞈ-a. Nawˇ hawˇ-eu nawˬ-euˬ tsawˇ haˬ dawˬ tawˆ luꞈ ya shiˇ jiˇ tehꞈ-a.”