Populære bibelvers fra Doˆ-iˇ 7

Del

Sahˬpaˬ Miˬyehˇ ehˇ-eu, “Sahˬ paˬ kʼoeˇ gʼaˬ-euˬ mehˬ shi nawˬ-ahˇ ngaˇ Miˬyehˇ loꞈ-ehˇ bi pyeuꞈ-awˇ, Aˬloˬ-aˬ Miˬyehˇ gʼaˇ duˬ ngehˬ dah-eu bawˇlawˇpeh loꞈ-ehˇ, nawˬ-eu dah zaˇ, sahˬ paˬ kʼoeˇ gʼaˬ-ahˇ dawˬ ngehˬ cawˬ tehꞈ-a.

Ehˇ kʼawꞈ, sahˬ paˬ kʼoeˇ gʼaˬ nui ma gʼahˇ ni ngaˇ jahˇ nehˬ-awˇ, Iˇjiˇtuˆ miˇ kʼahˬ kʼoeˇ taˆ guˆ dui dui laˇ paˬ-ehˇ gʼeh-eu gʼawˬ mya jeˬ ngaˇ bi keuˆ le kʼawꞈ, naw nyaꞈ-euˬ ehˇ dawˬ-ahˇ aˬ yawꞈ maˬ naˇ haˬ ni jawˇ tehꞈ-a. Kʼoeˇ naˇ, kʼaˆ dui dui-eu kʼehˬ-eu kʼaˆ-eu jeˬ Iˇjiˇtuˆ miˇ kʼahˬ kʼoeˇ taˆ ngaˇ bi keuˆ le-awˇ, ngaˬ-euˬ tsawˇ jeuˬ tsawˇ ca deuˬ-ahˇ Iˇjiˇtuˆ miˇ kʼahˬ laꞈ kʼoeˇ neh, ngaˇ sheuˬ doˆ gʼeh ma.

Iˇjiˇtuˆ miˇ kʼahˬ kʼoeˇ taˆ ngaˬ-euˬ aˬ laꞈ cawˬ ja-awˇ, Iˇsaˬleˬlaˆ tsawˇ haˬ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ gʼeh ngeh, ngaˇ-aˬ, Sahˬpaˬ Miˬyehˇ pyeuꞈ-eu gaˇ kawˆ Iˇjiˇtuˆ tsawˇ haˬ deuˬ ya siˬ tehꞈ-a.”

Kʼoeˇ ngeh, sahˬ paˬ kʼoeˇ gʼaˬ, mah loˬ nya-eu deuˬ hawˇ-eu, zaˬ siˬ nui gahˇ ahˇ dui dui-eu aˬ yawꞈ-euˬ tsawˇ haˬ deuˬ kuˇ uiˬ-awˇ, tsawˇ haˬ kʼoeˇ deuˬ kʼawꞈ, aˬ yawꞈ maꞈ-euˬ mah loˬ loˬ-eu tsawˇ gahˇ-ahˇ gʼoe-awˇ, Aˬloˬ neh mˇ-euˬ jeˬ mˇ mehˬ nehˬ-euˬ meh. Aˬ yawꞈ maꞈ yawˬ gʼaˬ na luꞈ, yawˬ ha-euˬ gawˬ yoeˬ pyehˬ dzeh ngeh, gawˬ yoeˬ kʼoeˇ deuˬ aˇ lawˇ pyeuꞈ jiˇ-euˬ meh. Ehˇ kʼawꞈ, aˬ yawꞈ maꞈ-euˬ gawˬ yoeˬ kʼoeˇ deuˬ-ahˇ, Aˬloˬ-euˬ gawˬ yoeˬ neh myoꞈ ahˇ jiˇ nehˬ-euˬ meh.

Sahˬ paˬ-oˇ, nymˬ-mˇ poˆ jawˇ-aˬ, aˬ yawꞈ mˇ-eu lehˇ lehˬ hmˬ taˬ-euˬ jeˬ baˬ da neh, aˬ yawꞈ aˬ suˇ gʼaˬ pyeuꞈ-eu nawˇ ya siˬ tehꞈ-a lehˇ Sahˬpaˬ Miˬyehˇ ehˇ-eu meh. Haw yawˬ. Ngaˇ tuˆ tehˬ luꞈ-eu gawˬ yoeˬ heu hmˬ neh Niˬlaˇ lawˇ baˬ iˇ cuꞈ-ahˇ ngaˇ juiꞈ ngeh, iˇ cuꞈ kʼoeˇ shiˬ pyeuꞈ jiˇ tehꞈ-a’ lehˇ ehˇ nehˬ-awˬ.

“Naw nyaꞈ-ahˇ Sahˬpaˬ Miˬyehˇ neh kʼehˇ gʼeh leꞈ-euˬ ngeuˇ naˇ, kʼaˆ jeˬ-ehˇ gʼeh-eu jeˬ mˇ mehˬ haw sheˇ lehˇ sahˬ paˬ kʼoeˇ gʼaˬ naw nyaꞈ-ahˇ kʼehˇ laˇ naˇ, ‘Sahˬ paˬ-euˬ mehˬ shi nawˬ-euˬ gawˬ yoeˬ pyehˬ dzeh-awˬ’ lehˇ Aˬloˬ-ahˇ ehˇ nehˬ-awˬ. Gawˬ yoeˬ kʼoeˇ aˇ lawˇ pyeuꞈ-iˇ tehꞈ-a.” Kʼoeˇ naˇ, Moˇseˬ hawˇ-eu Aˬloˬ aˬ nyaꞈ sahˬ paˬ jawˇ gaˇ iˇ-awˇ, Sahˬpaˬ Miˬyehˇ neh dawˬ biꞈ-euˬ loꞈ-ehˇ mˇ-iˇ-euˬ meh. Sahˬ paˬ hawˇ-eu aˬ yawꞈ-euˬ gaˇ mˇ-eu yaw huiˬ yaw mahˇ deuˬ-euˬ mehˬ shi, Aˬloˬ gawˬ yoeˬ pyeh dzeh ngeh, gawˬ yoeˬ kʼoeˇ aˇ lawˇ pyeuꞈ-iˇ-euˬ meh.