Populære bibelvers fra Doˆ-iˇ 32

Del

Gawˬ jawˬ-ahˇ neh Moˇseˬ maˬ zaꞈ ka le ni gʼawˬ myahˇ ni jawˇ gaˇ Iˇsaˬleˬlaˆ tsawˇ haˬ deuˬ ya mawˇ ngeh, Aˬloˬ-euˬ dawˬ peh aˬ yawꞈ maꞈ uiˬ leˇ-awˇ, heu loꞈ-ehˇ ehˇ nehˬ-euˬ meh. “Aˬ dui maꞈ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ nehˬ laꞈ-euˬ Moˇseˬ heu gʼaˬ-ahˇ aˬ jeˬ gʼeh-euˬ lehˇ maˬ paˇ ehˇ nya ngaˇ. Teu miˇ neh, aˬ dui maꞈ-ahˇ bi sheuˬ gʼeh-eu gʼaˇ duˬ, miˬ yehˇ tiˬ gʼaˬ aˬ dui tehˆ kaˇ-euˇ.”

Moˇseˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. “Yaw kawˇ ma-ehˇ gʼoꞈ ka-iˇ-awˬ. Aˬ jeˬ miˇ neh ehˇ naˇ, Iˇjiˇtuˆ miˇ kʼahˬ laꞈ kʼoeˇ nawˬ neh sheuˬ doˆ laꞈ-euˬ tsawˇ haˬ deuˬ iˬ baˇ mˇ-awˇ ngaˬ-ahˇ puiˬ luꞈ meh. Ngaˬ neh aˬ yawꞈ maꞈ-ahˇ bi cah-euˬ gaˇ ma-ahˇ aˬ yawꞈ maꞈ byehˇ dzeh gʼaˬ-euˬ meh. Aˬ yawꞈ maꞈ shuiˇ mawˇ neˇ mawˇ kawˇ kʼaˇ doˆ-awˇ, uˬ duˬ tahˬ-eu uˬ taꞈ, lawˇ-eu shehˇ-eu jeˬ kʼawꞈ mˇ luꞈ meh. Kʼoeˇ-aˬ, aˬ yawꞈ maꞈ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ nehˬ laꞈ-euˬ aˬ yawꞈ maꞈ-euˬ miˬyehˇ meh lehˇ, aˬ yawꞈ maꞈ ehˇ luꞈ meh.

Kʼoeˇ naˇ, shuiˇ mawˇ neˇ mawˇ kawˇ-euˬ mehˬ shi, lawˇ duˬ tiˬ hmˬ Aˬloˬ tsoˆ-awˇ, “Ni shawˬ nah Sahˬpaˬ Miˬyehˇ-ahˇ taˬ huiˬ taˬ mahˇ-eu bawˬ-iˬ gʼeh ma” lehˇ, Iˇsaˬleˬlaˆ tsawˇ haˬ deuˬ-ahˇ guˇ gaˬ nehˬ-euˬ meh. Yawˬ nah yawˬ uˬ shawˬ yaw naꞈ-ehˇ, miˬ dzaˬ dzah puiˆ-awˇ lawˇ-eu jeˬ lawˇ-eu gʼaˇ duˬ jeˬ zaˬ deuˬ maˬ ehˇ, cawˬ cawˬ taꞈ-eu lawˇ-eu jeˬ lawˇ-eu gʼaˇ duˬ jeˬ zaˬ deuˬ maˬ ehˇ, aˬ yawꞈ maꞈ yuˇ laꞈ-euˬ meh. Aˬ yawꞈ maꞈ bawˬ-iˬ gʼeh ngeh, dzaˬ yehꞈ dawˇ yehꞈ-awˇ lawꞈ gʼa-eu uˬ taꞈ, kʼaˬ miˬ sheu taꞈ-euˬ meh.

Yawˬ nah yawˬ, Iˇsaˬleˬlaˆ tsawˇ haˬ deuˬ-ahˇ Moˇseˬ ehˇ nehˬ-eu, “Guˆ dui dui laˇ paˬ-ehˇ gʼeh-eu iˬ baˇ naw maꞈ mˇ gʼaˬ-euˬ meh. Ehˇ kʼawꞈ, gawˬ jawˬ-ahˇ, Sahˬpaˬ Miˬyehˇ jawˇ gaˇ, nymˬ-mˇ ngaˇ tiˬ poˆ paˇ daˆ leˇ ma. Naw maꞈ iˬ baˇ ya buˬ-iˇ ni, ngaˇ jahˇ nya-eu maˬ siˬ.”