Populære bibelvers fra Pemungkal 49

Del

Judah deka megai tungkat ti diraja, Lalu peturun iya deka seruran merintah. Semua bansa deka mai chukai sida ngagai iya Lalu meremi di mua iya, laban sida ngasika iya.

“Josep nya baka keledai kampung ti bediri ngimbai mata ai, Anak keledai kampung ti ba serimbing bukit. Munsuh iya bebendar amat nyerang iya Lalu begagaika iya ngena panah enggau laja.

Tang panah iya mengkang enda beguyat, Lalu lengan iya kering Ulih kuasa Allah Taala ti Pemadu Bekuasa ke disembah Jakop, Ulih Pengibun Domba, ke nyaga orang Israel. Allah Taala ti disembah apai nuan deka nyaup nuan, Allah Taala ti Pemadu Bekuasa deka merekatka nuan Ngena ai ujan ti labuh ari langit Enggau ngena ai ti dalam ti di baruh tanah, Meri nuan mayuh jelu sapi enggau mayuh anak

Judah, menyadi nuan deka muji nuan. Nuan deka nyekal rekung munsuh nuan. Bala menyadi nuan deka meremi ngagai nuan. Judah baka singa, Ti munuh utai ti deka diempa iya, lalu pulai baru ngagai lubang iya, Ngeliat lalu gali. Nadai orang berani ngachau iya.

“Reuben, anak tuai aku, nuan nyadika pengering aku Anak tuai aku, Anak ke pemadu sumbung sereta pemadu kering ari semua anak aku. Nuan tu baka ai bah ti deras, Tang nuan enda tentu diguna orang, Laban nuan udah tinduk enggau indu simpan aku Lalu enda bebasaka peninduk apai nuan.