Populære bibelvers fra Pemungkal 21

Del

TUHAN merekatka Sarah munyi ti udah disemaya Iya.

Allah Taala ninga sabak nembiak nya, lalu melikat Allah Taala bejaku ngagai Hagar ari serega, “Nama kebuah nuan tusah ati, Hagar? Anang takut. Allah Taala udah ninga sabak nembiak nya. Angkat nuan lalu pulai baru ngagai anak nuan, berap iya, lalu perindang iya. Aku deka ngaga peturun iya nyadi siti bansa ti kering.”

Sarah lalu ngandung, lalu ngadaka anak lelaki siku ke Abraham, lebuh Abraham nyau udah tuai amat umur. Anak mit nya ada ba maya ti udah diletak Allah Taala.

Ku Sarah bejaku, “Allah Taala udah nyungkak aku ketawa. Semua orang ke ninga berita tu deka ketawa sama enggau aku.”

Tang ku Allah Taala bejaku ngagai Abraham, “Anang irau ati ke nembiak nya enggau ulun nuan Hagar. Kereja aja sebarang utai ti diasuh Sarah, laban semina nengah Isak aja nuan deka bulih peturun ti udah disemaya Aku.

Aku deka mega meri mayuh anak ngagai anak ulun nya, ngambika sida nyadi siti bansa, laban iya mega anak nuan.”