Populære bibelvers fra Pemansut 2

Del

Iya ninga sida bedemuh, lalu ingatka semaya Iya enggau Abraham, Isak enggau Jakop. Iya meda orang Israel digaga nyadi ulun, lalu Iya sinu ati ke sida.

Nyau berapa taun udah bekau nya, raja menua Ejip pen mati, tang orang Israel agi mengkang merinsa sereta nyabak minta tulung, lalu sabak sida didinga Allah Taala.

Udah bekau nya, lebuh anak mit nya nyau besai, indu nya mai iya ngagai anak indu raja. Anak indu raja nya lalu ngiru nembiak nya nyadika anak iya empu. Ku anak indu raja nya berunding dalam ati diri, “Aku ngambi iya ari ai, nya alai aku meri iya nama Moses.”

Ku anak indu raja nya bejaku enggau indu nya, “Bai anak mit tu, lalu ibun iya ke aku. Aku deka ngaji nuan.” Nya alai indu nya lalu mai anak mit nya, lalu ngibun iya.

Anak indu raja nurun mandi ngagai sungai nya. Lebuh iya mandi, bala orang gaji iya bejalai ba sebelah tebing sungai nya. Anak indu raja nya lalu tepedaka siti bakul ba madang rumput, lalu ngasuh siku ari orang gaji iya ngambi bakul nya.

Lebuh Moses nyau udah besai tuai, iya nemuai ngagai bansa iya empu, iya nya bansa orang Hebrew, lalu iya meda jalai sida balat amat dipejalka ngereja pengawa ti berat. Iya mega tepedaka siku orang Ejip munuh siku orang Hebrew, nya bansa Moses empu. Moses malik kiba kanan, lalu lebuh iya nadai meda orang nengkilaka iya, iya lalu munuh orang Ejip nya, lalu numbakka bangkai iya dalam pasir.