Populære bibelvers fra Romanee 4

Del

Cha row eh dooyteilagh mychione gialdyn Yee trooid mee-chredjue; agh v’eh niartal ayns credjue, coyrt gloyr da Jee: Ayns slane treishteil, cre-erbee v’eh er ghialdyn, dy row eh abyl myrgeddin dy chooilleeney.

(Myr te scruit, Ta mee er dty yannoo ayr ymmodee ashoonyn) cordail rishyn er ren eh credjal, dy jarroo Jee, ta bioghey ny merriu, as geamagh er ny reddyn shen nagh vel, myr dy beagh ad hannah ayn

Eh va er ny livrey son nyn loghtyn, as va troggit reesht dy heyrey shin.

Quoi noi treishteil ren credjal ayns treishteil, dy voddagh eh cheet dy ve ayr ymmodee ashoonyn; cordail rish shen ny v’er ny loayrt, Shen myr vees dty luight.

Shen-y-fa te jeh credjue, dy voddagh eh ve jeh foayr; dy voddagh y gialdyn ve shickyr da ooilley’n sluight, cha nee dauesyn ny-lomarcan ta fo’n leigh, agh dauesyn myrgeddin ta jeh credjue Abraham, ta’n ayr ain ooilley

Gra, Bannit t’eshyn ta e neu-chairys er ny leih da, as e pheccah er ny choodaghey. Bannit ta’n dooinney nagh vel y Chiarn cur peccah ny lieh.

Son cre ta’n scriptyr dy ghra? Ren Abraham Jee y chredjal, as ve er ny choyrt gys e lieh son cairys.