Populære bibelvers fra Salmos 91

Mé ndátjan sin Itꞌéni Díos: “Jaha mé si̱nchekaáni, jaha mé tꞌayakonhéni, jaha mé ti Díos tinkáchónkini.”

Ti nkexro tjejó chrínkí ti itsꞌuan kuènté Díos mé ti kjuachaxin kuènté Díos tsꞌayakohen ti jehe sin.

A̱ndá ti tsꞌéye̱he̱ chꞌan ti janhan la tjoka tsjata̱ha̱ la ko ti kjuaxróxinhña itjen chꞌan la ntiha tsjakꞌé janhan. Si̱ntakaá chꞌan la ko tsjikosáyaha̱ chꞌan.

*kixin Díos tsochrꞌán ti sin ángel kuènté chꞌan ti itjen jaha, tsꞌayakohan kjónté nketí sátsjia.

Díos mé tsꞌayakuaxián chrínkí ti itja chꞌan la ndá kohya nkehe tso̱han. Díos la sinchexiteyá ti nkehe tsíndáchro chꞌan la tsꞌayakohan chꞌan.

Jaha la tinkachónkia Itꞌéni Díos kixin tsaáxian, la Díos imá tꞌe̱to̱an la tsjinki̱tsa ti jaha. Kohya ninkehó nkehe jínahña tso̱han la kohya nijnko ichin tsꞌixehen ti ndo̱a

Jehó Díos mé sinchekaá ti jaha kixin nijnko nkehe jínahña chrókꞌuitjáñaxián.

Kjónté chrókꞌuitsínka ijnko mil chojni ti itjá ikjon o̱ ite mil chojni chrókꞌuitsínka ti itjá chjina, kjánchó jaha la kohya nkehe tso̱han.

Méxra̱, tóxakuanhña, kjónté ijnko kjuachrakon chrókꞌuixin ti sítie a la ko kjónté ti chika flecha chróchrꞌán sin ti ncha̱kotjin la ko ni ti ichin tsji̱xi̱n ti sítie la ko nijnko kjuaxikaon chrókui ncha̱kotjin chrókꞌuitjáñaxián.