1
Salmos 112:7
El Nuevo Testamento, Salmos y Proverbios
poeNTplus
Chrakonhña ti nkexro a kjónté tsihin nkojín nkehe jínahña tso̱hen kixin kaín a̱sén tinkáchónki Díos.
2
Salmos 112:1-2
Kjuaxróxin tjejó ti nkexro tjikosáyehe Díos la ko tóxríhi̱n nchexiteyéhe ti nkehe tsíkꞌe̱to̱an chꞌan. Ti sin tsꞌaxrjeníxin ti nkexro titekaon Díos la tso̱ñao sin la ko tsꞌáyéhe̱ sin kjuachaxin tsꞌe̱to̱an sin.
3
Salmos 112:8
Jína itjen a̱sén chꞌan, la chrakonhña chꞌan la ko kja̱xin tsochrakonhña chꞌan kjónté siín ti sin nínkaon, kixin chrꞌéxi̱n tsꞌikon chꞌan kixin tsjachahya sin.
4
Salmos 112:4
Éxi ijnko xrohi tꞌinkaséñaxín ti sítie mé xi̱kaha tjetꞌinkaséñaxín Díos ti chojni jína tjejó, kixin jehe chꞌan la imá jína chꞌan la ti̱konoéhe̱ chꞌan chojni.
5
Salmos 112:5
Jína tsjakꞌe ti nkexro ti̱konoéhe̱ chojni la nchekjen chichaon la ko jína tꞌayakohen ti ixra̱ chónta.
6
Salmos 112:6
Méxra̱ ti nkexro la imá jína tsjakꞌe la xitjahya tsꞌitsínka; méxra̱ ti nkehe jína kjuíchꞌe la tsoxraxinkakonxín chojni nkochríxín.