Populære bibelvers fra Filipenses 2

Del

la ninkehó chróchontiaxinhñara la ko chrókjui̱nchejiéhyara a̱sánra kixin imá chrókuéto̱anra. Chrokꞌónara ijnko chojni kanhñó tꞌe̱to̱an. Nkokón chrókjuíkosáyehéra kichuara éxi a̱ntsí tjetoan ti íso sin ke jahara. Ninkexró chrókjueyáhya ti nkehe jína kixin jína chrókjuákꞌe jehó. Náhí. Kja̱xin chrókjuinki̱tsa ti iso sin.

Jahara chrókjuénka̱yáxinra éxi kjuénka̱yáxin Cristo Jesús.

Cristo la chónta kaín kjuachaxin kuènté Díos, la kjónté xi̱kaha, la tjinkakonhña chꞌan kóyóhe̱ chꞌan éxi Díos. La kuíto̱he chꞌan nkaya nka̱jní ti nkehe kꞌuéchónta chꞌan, ndá ntihi chjasintajni kókjíexín chꞌan éxi ijnko chojni tjetoanhña xi̱kaha. La éxi ijnko chojni chóntahya kjuachaxin xi̱kaha kjuákꞌe chꞌan, la kjuínchexiteyá chꞌan kaín nkehe kꞌue̱to̱an Díos, kjuasótexín chꞌan ti ntacruz la ko ikꞌuén chꞌan éxi ijnko chojni chónta nchónhña ijie̱.

kixin Díos la nta̱xráxinkaonra la ko tsjínki̱tsara si̱chꞌera ti nkehe jína tóxríhi̱n chꞌan.

Méxra̱ Díos la imá kjuíkosáyehe ti jehe chꞌan la kjuajon ijnko ihni̱é chꞌan a̱ntsí tjetoan *kixin ti tsihin chojni ti ihni̱é Jesús la kaín sin tsꞌejóxin tochꞌin sin, ti sin tjejó nkaya nka̱jní la ko ti chojni siín chjasintajni la ko ti sin siín chrínkí inche kaín chojni tsondáchro kixin Jesucristo mé Ìnchéni, mé xi̱kaha tsjikosáyehe sin Itꞌéni Díos.

Ti nkojín ixra̱ chrókjui̱chꞌera, la chrókónínkakuénhñara kichuara la ko chrókjóntahyara kichuara *kixin ninkexró chrókjuachahya tsondáchro kixin jahara la chontara ijie̱, kixin jahara la xje̱en Díos la ninkehó ijie̱ chróchontahyara, kjónté tjejoya̱kjánra ti sin jínahña, tjasin ijie̱. Jahara la chrókꞌuinkaséñaxínra ti siín sin éxi ti konotsé tꞌinkaséñaxín ti chjasintajni sítie.

Mé xi̱kaha jahara kíchóni, xráxín kuitekákonara ti kuékꞌejóni nkoko̱a. A̱ndá ijie la chrókjui̱nchexiteyára kjónté ikjín itjén. Méxra̱ kaín a̱sánra chrókjuíkosáyehéra Díos la ko chrókóxakohanra chrókjuéyára ti nkehe tsjajon kjuachón