Populære bibelvers fra 1 Corintios 8

Del

A̱ndá jeheni nkoko̱a Díos chóntani, mé Itꞌéni tíha. Jehe chꞌan kjuíchꞌéna chꞌan kaín nkehe, la jehe chꞌan mé tjejóchónxixíni. Kja̱xin itjen nkoko̱a Ìnchéni, mé Jesucristo tíha, la kjuíchꞌéna chꞌan kaín ti nkehe siín la ko kja̱xin kjuíchꞌéna chꞌan ti jeheni.

Ijie tso̱tja̱nkara kuènté ti iko chroxihi sin ti nkehe tsíkjano̱ña. Kaíni noheni nkexrín tíha. La ti imá chrókónoheni la ó chónkó. A̱ndá ti tjue̱heni kíchóni mé a̱ntsí tꞌánkí ti tinkáchónkini Díos. Ti nkojín nkexro ndáchro kixin imá nohe, la chaxínhña tíha kixin na̱xa̱ tꞌitjáña tsꞌitja sin ti nkehe chrókónohe sin.

Méxra̱ ti nkojín ti nkehe intera chrókꞌuitsinkaxín nkojín kíchóni la í chrókjontehyara ninkehó into kixin chrókjuichròehya ti sin kíchóni na̱ntá kuitekaon sin Díos.

Kjánchó chrókui̱to̱éhyara kixin ti kjuachaxin chontara sintera kaín nkehe la chrókjuichròexín íjnko chojni na̱ntá tjankíxin tinkáchónki Díos.