Populære bibelvers fra Aba Loma 11

Del

Pakuti ivintu vyosi vikapeliwa nawe, sona vili nubumi ukwendela mumwache, sona ni chifukwa icha yuyo. Kwa Chala kubanje ubuchindamu ubwa bwila na bwila! Ameni.

Mwee, bo bukabi boni ubwa Chala! Amahala ghache nu bumanyi bwache vyibizu nkani! Wewenu yuyo angalingannya ubulongi bwache? Nkimba wewenu angivwisya izila zyache?

Pakuti Amasimbo ghakuti, “Nkimba wewenu azimenye inyinong'ono izya Mwene? Pamo wewenu yuyo angamumanyisya amahala?

Umu momumo vibeleye nilelo: Basyala abantu banandi bulo pakasi paba Izilayeli, babo u Chala akabasala pachifukwa icha chisa chache. Loli ukusala ukwa Chala kukima pachisa chache, kute po pavintu vivyo bakabomba. Nanti zikabanga bunubu, kokuti ichisa chache, ngali chitakaba chisa ichenecho.

Nanti isamba zimo izya musyunguti zyapalantiwa, sona ulusamba ulwa musyunguti ulwa muzi lwamamatiziwa kwikwi lilalila. Amwe mwe bantu babo bate ba Yuda muli ngati lyo likwi ilya musyunguti ilya mwisote, sona mukugabana ubumi ubwa buzimu ubwa ba Yuda. Po mutakabayivyanje babo bapalantiwa ngati zyo samba. Loli nanti mukwituvya mukumbukaye ukuti mute mwemwe mukulema amagululuzi, loli amagululuzi gho ghagho ghakubalema amwe.