Populære bibelvers fra Rome Embokena 8

Del

Namonde kasama erera: evetu genembo mave God gatege aghi eari nu dubo buraera, aikena isambu eveva are dae sise, God seari roera isasambu, eveva a eko rea siroreraira ava, eveva vanembo eraira.

Na kasama beká ava erena: Keriso namonde dubo ruruse irarira. Nu jo doyae arira. Nunda dubo bari namondekena muturaira ainda emboro ava, rejo eniimi jo gajae arira. Ambarera o jebuga irarera aimi, jo gajae arira. God da aneyaimi o Satan da aneyaimi o sukaruimi jo gajae arira. Rejo eni oroko refira o amboda furarira aimi, jo gajae arira. Utu enda God etiri sirorusira, ainda jokáda roera eniimi jo gajae arira. Amo, rejo eni ikáda irira o enda jokáda irira, ai barago emboro amo jo gajae arira. God namonde dubo ruruse, namondeda Bajari Iesu Keriso futusira, ainda dubo bari amo, namondekena evovodae irarira.

Kau daba aminga ava, namonde fakina iraede ava gido, Asisi Kakara aimi namonde sonemberaira. Ainda beká mo: namonde rejodae benunu saetera ava, namonde bunariri. Avata Asisi Kakara tofo namondedae sedo banunguse, namondeda dubo jokáda aoro sise irá gheraira. Aoro sari amo, jo isagha siruroro ningari da kaugo iraeri.

Ava sedo, namonde kasama erera, God namonde sonembari dae sarira amo, mave jo buregae arira.

Avori, Iesu Keriso fira sonembetiri, evetu genembo mave Iesu Keriso de dabade tatedo irarera amo, ne Ari Eko da bouvu jo itatamuse, ainda mino jo bae arera.

Mave nunda uju a kotari ava, fisi da uju aikena mutarira amo, nu fisi da uju ainda amboda amboda udo ya ambarira. O, mave nunda uju a kotari Asisi Kakarakena mutarira amo, nu Asisi Kakara da amboda amboda use, jebuga a dubo jama ava tambarira.

Avata Keriso namonde dubo ruruse ambududurusira aimi sonembeari, namonde fakina use, roera tegetena ava isambu atai fati fete gogoghomberaera.

Na erekotena: namonde enda eminda irise mema itatameraera amo, kitako bekári. O, God sari namonde amboda usasa jokáda fefeturoro duro arira amo, teria bekári. Jo mema endada itatameraera ainghae dabade, inono ari da kaugo iraeri.

Ava sedo, namonde kasama erera: Keriso namonde dubo ruruse irarira. Nu jo doyae arira. Vevera a mema sirorari itatamarera, o evetu genembo God imboe use namonde daoro mema tambarera, o baimara sirorarira, o namonde makasi arera, o eko jokáda fetarera, o namonde ambarera, avata Keriso namonde dubo ruruse irarira.

Asisi Kakara ai amingururari, God Afa evetu genembo da dubo joká giraira aimi, nune nunda Asisi da kotari kasama eraira. Nunda Asisi rejodae benunu seraira ava, nune kasama eraira. Ainda beká mo: Asisi Kakara God da natofodae sedo banungeraira amo, jo nunda kotariimi banungae eraira. Nu tofo God Afa da ujuimi banungeraira.

Evetu genembo mave God da Asisi da uju ava use irera amo, ne God da sasinguri.

Evetu genembo mave fisi da uju use irera amo, nenda uju a kotari isambu, nenda fisi da uju aminda muturaera. O, evetu genembo mave Asisi Kakara rea seraira, avanembo ningido amingeraera amo, nenda uju a kotari isambu, Asisi Kakarakena futuse nunda uju ava eraera.

Nu namonde sonembari dae sedo, tofo nunda Mandi ava, tefo namondedae sedo mutiri fira ambududurusira. Avo gido, namonde kasama erera: nu roera isambu kau daba ava namondekena tefo mutarira.

God da Asisi, nu namonde sonembeari namondeda dubo jokáda kasama eraera amo, namonde nunda sasinguri. Avori, namonde nunda sasingu edo irera aindae sedo, nunda esimbugari nunda natofokena mutari dae sisira ava, namonde barera. A kotugo, rea Keriso dae mutari sisira, ábarago Keriso de dabade barera. Avata namonde giti emingarera. Kau Keriso mema tafusira aminga ava, namonde Keriso de dabade tatedo mema tambarera. Namonde Keriso de dabade nunda usasa bari dae sedo, mema amo itatamarera.

Ai resira amo: evetu genembo mave nenda uju a kotari, sifo ghousa fisi da uju aikena fitiraera amo, ne kau God da gitofu aminga edo irera. Evetu genembo amo, ne God da Agho Dari jo kaifa ae eraera. A geka beká mo eviri: ne Agho Dari kaifa arikena jo inono iraeri.

Eregoseva: utu, enda, a roera isambu God etiri sirorusira amo, mema tafuse aoro sise irira. Kau evetu mandi sasingu fumbari dae use mema tamburaira aminga ava, mema tafuse aoro sise irira. Ainda beká mo: God setiri, utu, enda, a roera isambu eko use jaghudo refira. Jo roera setena aimi, uju use eko ae usira. God nune setiri amingusira. Avata roera setena aimi, God nunda sasingu ijugari isagha arera ainda sifo, ava gigituse irira. God sari nunda sasingu ambarida ghe jebugedo erarera da sifo ava gigituse irira. Gigituse irira ainda beká mo: kau God da sasingu nenda tamo enda eminda kae budo amburaera ava kosughe dodo, ambarida ghe jebugedo tamo evovodae irari ava barera aminga ava, utu enda God setiri jaghudo refira evia, udo ya kau eni edo evovodae irarira. Avata oroko mo, utu enda aoro sise irira.

Eregoseva: utu, enda, a roera isambu God etiri sirorusira amo, mema tafuse aoro sise irira. Kau evetu mandi sasingu fumbari dae use mema tamburaira aminga ava, mema tafuse aoro sise irira. Ainda beká mo: God setiri, utu, enda, a roera isambu eko use jaghudo refira. Jo roera setena aimi, uju use eko ae usira. God nune setiri amingusira. Avata roera setena aimi, God nunda sasingu ijugari isagha arera ainda sifo, ava gigituse irira. God sari nunda sasingu ambarida ghe jebugedo erarera da sifo ava gigituse irira. Gigituse irira ainda beká mo: kau God da sasingu nenda tamo enda eminda kae budo amburaera ava kosughe dodo, ambarida ghe jebugedo tamo evovodae irari ava barera aminga ava, utu enda God setiri jaghudo refira evia, udo ya kau eni edo evovodae irarira. Avata oroko mo, utu enda aoro sise irira.