Populære bibelvers fra Isaías 40

Del

Te maa ya ndakuñaꞌa jandakui ñayiu ma vi kuita, te ndaskaya ka ya ja ndee ja ndakui ñayiu tu inu ndakui

Te vi ndee suchi kuechi, chi ka kuitai vi ka tunini te vi ndee tee kuechi, chi vi kachi jaꞌa de, te vi ndonso de. Su ñayiu ka kukanu ini Jitoꞌo, chi vi ndaniꞌi jandakui, te vi ndaguai na kuinio yaꞌa naꞌnu, vi kunui, su ma vi kuitai, te vi kakai, su ma vi tunini.

¿Te a tu ka jini ni axi tu na ndee ka nini ni ja maa Jitoꞌo, kuu ia Dios ja oo ya nikuii nikani? Te maa ya ni saꞌa ninii ndee jaꞌa ñuyiu, te ni tu kuita ya, ni tu tunini ya, te ni tu na in kenta kuni ja jini ya.

Koo in tee kana jaa ndee nuu ñuꞌu teꞌa, te kachi de: Vi savaꞌa ni ichi nuu vaji Jitoꞌo, te vi ndasaꞌa ndaa ni in ichi nuu tu na veꞌe ka oo, nuu vaji ia Dios.

Yichi ni yuku kuii, te xii ndiꞌi ni ita, su tnoꞌo vaꞌa maa ia Dios, chi nikuii nikani oo”.

Yun te xneꞌe Jitoꞌo ja yeꞌe tajan ya, te in ni vi kuni ndiꞌi ñayiu, chi saa kaꞌan maa Jitoꞌo.

Na ndachitu ndiꞌi chikoꞌi, te na ndundaa ndiꞌi yuku sukun vi tinduu, vi na ndundaa ichi yakua, te na ndundii nuu ñuꞌu ni ndayi ndayi.

Te kokoto maa ya ñayiu na kuinio in tee jito ndikachi, te ndakanu ndee ña ya, nagua saꞌa de nuu ndakanu ndee de lelu kueli de, te ka ndetuu ti ndee ndika de, te vivii jito de ndikachi inka jaa ni ni ka kaku seꞌe ti.

Vi ndanenuu ichi andivi, te vi kondiaꞌa na in ni saꞌa ndiꞌi ja ka oo andivi, te maa tatnuni ja yukun yukun ka jinonta ti, te ndakana sivi ña jin ndi in ndi in kimi, te ni in ti tu na kiti jaꞌni ña. Chi maa ya kuu ia ndakui ndevaꞌa, te jin jakaꞌnu ya tatnuni ya nuu ndiꞌi ti.

Ichi siki nuu tikute ñuyiu yaꞌa nukoo maa ia Dios tatnuni ya, te ndiaꞌa ya ñayiu ñuyiu ja ka kui na ni kuinio tika langosta, te ndaskaa ya andivi na ni kuinio in saꞌun, ndaskaa ya na ni kuinio in veꞌe saꞌun.

Vi kaꞌan luu nuu ñayiu ñuu Jerusalén, te vi kuñaꞌa ja ja ni jino kiuu ja ka jinokuechi nuu ñayiu inka ñuu, te ja ni jakaꞌnu ini rin jakueꞌe ni ka osaꞌi, chi ja ni ka tniuyaꞌui ndee uu jichi nuu maa rin ja jaꞌa ndiꞌi yika kuechi.

Te kachi in tnoꞌo: “Kana jaa”. Te jiñaꞌa san: “¿Na tnoꞌo kaꞌan san ja kana san?” Te kachi tnoꞌo yun: “Suaꞌa kuñaꞌa ron: Ndiꞌi ñayiu ka kuu na kuinio yuku kuii, te ndiꞌi ja kuu kaꞌnui kuu na kuinio ita ja jaa nuu yuku kuii. Chi yichi ni yuku kuii, te xii ndiꞌi ni ita, nuu tiutachi maa Jitoꞌo siki yuku kuii yun. Te jandaa ndija ja na kuinio yuku kuii yun ka kuu ñayiu.

Vi kondiaꞌa ni, chi yaꞌa vaji Jitoꞌo jin ndiꞌi jakaꞌnu ya, te kotatnuni ya jin ndiꞌi jandakui ya nuu ndiꞌi ñayiu, te vaji ya jin ndiꞌi ñayiu ni ndatau ya ñuu yun, te nee maa ya in ja skutaꞌu ya nuu ñayiu vaji ya.

Yun te jiñaꞌa Isaías: Kachi ia Dios: Vi ndakuñaꞌa tnoꞌo sii ini nuu ñayiu ñuu rin.

¿Na in ni chikuaꞌa ndute mar jin nuu tikoko ndaꞌi? ¿Vi na in ni chikuaꞌa andivi nasaa kaꞌnu jin kuarta ndaꞌi? ¿Vi na in ni chikuaꞌa jin uni xindaꞌi nasaa ñuyaka ñuꞌu kuu, axi na in ni chikuaꞌa nasaa vee yuku sukun vi tinduu? ¿Na in ni kaxtnoꞌo nuu Espíritu Jitoꞌo, axi na in ni xteku ña jin ya ja kaxtnoꞌo nagua saꞌa ya? ¿Na xiin nuu ni jikan tnoꞌo ya ja jinkuiꞌnu ini ya nagua kuu ja saꞌa ya? ¿Na in ni kaxtnoꞌo nuu ya ndeja kuu ichi ja kuni ya sandaa ya? ¿Na in ni kaxtnoꞌo nuu ya ja ni kundichi ya, axi na in ni xneꞌe ichi kuiñi ja kuni guaꞌa ya naxa saꞌa ya? Tu na in kuu saꞌa, chi maintnoꞌo ni maa ia Dios.