Populære bibelvers fra Daniel 7

Del

Te ni ka chitniuu ña jin ya vi ni ka jiñaꞌa jayiñuꞌu nuu ya, vi ja kotatnuni ya, nagua ja ndiꞌi ñayiu ñuu naꞌnu vi ñuu kueli vi saꞌan ka kaꞌin, na vi kunukuechi nuu ya. Te tniuu nee ya kuu in ja konee ya nikuii nikani ja ma yaꞌa, te nuu tatnuni ya kuu in nuu ma naa saꞌun.

Te vi oo ni san ndiaꞌa san nuu jani san jakuaa yun, te ni jini san nuu viko ja vaji in ia na kaa in seꞌe teyii ja kuaꞌan ya nuu oo ia teku ndee nuu ni jinkoo ñuyiu, te ni ka siaꞌa yatni ña nuu ya.

Yun te vi kuñaꞌa ya nuu tatnuni vi jakaꞌnu vi javii ndevaꞌa oo ndiꞌi nuu ka tatnuni ñayiu ñuyiu ja oo chii andivi, nuu ñayiu ñuu maa ia Dios oo ndee sukun. Te nuu vi kotatnuni kokuu in nuu kotatnuni nikuii nikani, te ndiꞌi tee ka tatnuni ñuyiu vi kokunukuechi de nui, te vi kokuantnoꞌo de.

Su nuu kuee ka, te vi ndaniꞌi ñayiu ñuu maa ia Dios oo ndee sukun nuu vi kotatnuni yun, te siun ni vi kotatnuni nikuii nikani ―kachi ya.