Populære bibelvers fra Y-Mathiơ 24

Del

Leh anăn kyuadah klei jhat ƀai jing lar, klei khăp hlăm lu mnuih srăng jing êăt. Ƀiădah hlei pô gĭr tơl knhal tuč srăng tlaih.

Leh anăn arăng srăng mtô klei mrâo mrang jăk kơ ƀuôn ala mtao anei tar ƀar lăn ala jing klei hưn kơ jih jang găp djuê mnuih. Hlăk anăn hruê knhal tuč srăng truh.”

Diih srăng hmư̆ ênai klei bi blah giăm leh anăn hmư̆ hing kơ klei bi blah kbưi. Đăm diih rŭng răng ôh, kyuadah jih klei anăn srăng truh, ƀiădah ka truh knhal tuč ôh.

Kyuadah sa phung găp djuê mnuih srăng bi kdơ̆ng hŏng sa phung găp djuê mnuih mkăn, leh anăn sa boh ƀuôn ala mtao srăng bi kdơ̆ng hŏng sa boh ƀuôn ala mtao mkăn, leh anăn srăng mâo klei ư̆ êpa leh anăn klei yơ̆ng lăn ala hlăm lu bĭt anôk. Jih jang klei anăn jing knŏng klei mphŭn dơ̆ng kơ klei ruă kkiêng.

Adiê leh anăn lăn ala srăng êgao tuč, ƀiădah klei Kâo blŭ amâo srăng êgao tuč ôh.

Kyuadah lu mnuih srăng hriê mgưt hŏng anăn Kâo, lač, ‘Kâo jing Krist,’ leh anăn diñu srăng mplư lu mnuih.

Hlăk anăn arăng srăng jao diih kơ klei bi knap, leh anăn brei arăng bi mdjiê diih; leh anăn jih jang găp djuê mnuih srăng bi êmut kơ diih kyua anăn Kâo. Hlăk anăn lu mnuih srăng lui wir, bi lhiăr, leh anăn bi êmut hdơ̆ng găp. Srăng mâo lu khua pô hưn êlâo soh truh leh anăn mplư lu mnuih.

Yêsu lŏ wĭt lač kơ digơ̆, “Răng bĕ, đăm brei arăng mplư diih ôh.

Kyuanăn brei diih dôk răng msĕ mơh; kyuadah Anak Mnuih srăng hriê êjai mông diih amâo mĭn ôh.”

Snăn răng bĕ, kyuadah diih amâo thâo ôh ya hruê Khua Yang diih srăng hriê.

“Ƀiădah bi kơ hruê leh anăn mông anăn, amâo mâo sa čô mnuih thâo ôh, phung dĭng buăl jăk hlăm adiê amâodah Anak kăn thâo rei, knŏng hjăn Ama thâo.

Kyuadah srăng mâo lu Krist soh leh anăn lu khua pô hưn êlâo soh, diñu srăng ngă klei bi knăl prŏng leh anăn klei yuôm bhăn, čiăng mplư wăt phung Aê Diê ruah leh, tơdah dưi.

Msĕ si klei truh leh hlăm ênuk Y-Nôê, srăng truh msĕ mơh hlăm hruê Anak Mnuih hriê. Kyuadah msĕ si hlăm ênuk êlâo kơ êa lip arăng ƀơ̆ng mnăm, bi dôk ung mô̆, leh anăn brei phung anak diñu dôk ung mô̆ truh ti hruê Y-Nôê mŭt hlăm kŭmpăn, diñu amâo thâo ôh tơl êa lip truh mđung diñu jih jang, msĕ snăn mơh srăng jing ti hruê Anak Mnuih hriê.