Populære bibelvers fra Y-Luk 9

Del

Leh anăn Yêsu lač kơ jih jang, “Tơdah sa čô čiăng tui hlue Kâo, brei ñu hngah hĕ kơ ñu pô, klam kyâo bi kal ñu grăp hruê, leh anăn tui hlue Kâo.

Kyuadah hlei pô čiăng bi mtlaih klei hdĭp ñu srăng luč gơ̆, ƀiădah hlei pô bi luč klei hdĭp ñu kyua Kâo srăng bi mtlaih gơ̆.

Yêsu lač kơ ñu, “Hlei pô dưm kngan ti wăng kai leh anăn dlăng kơ tluôn amâo năng kơ ƀuôn ala mtao Aê Diê ôh.”

Kyuadah ya tŭ dưn kơ sa čô mnuih tơdah ñu mâo jih lăn ala ƀiădah bi rai leh anăn bi luč hĕ ñu pô?

Kyuadah hlei pô hêñ kơ Kâo leh anăn kơ klei Kâo blŭ, Anak Mnuih srăng hêñ kơ pô anăn tơdah Ñu lŏ hriê hlăm klei guh kơang Ñu, klei guh kơang Ama Ñu, leh anăn klei guh kơang phung dĭng buăl doh jăk Ñu.

Yêsu lač kơ gơ̆, “Mja mâo ƀăng, čĭm hlăm adiê mâo hruh, ƀiădah Anak Mnuih amâo mâo anôk đal kŏ Ñu ôh.”

leh anăn lač kơ diñu, “Hlei pô jum hđeh điêt anei hlăm anăn Kâo msĕ si jum Kâo mơh; leh anăn hlei pô jum Kâo msĕ si jum Pô tiŏ hriê Kâo leh, kyuadah hlei pô jing điêt hĭn hlăm phung diih jih jang, pô anăn yơh jing prŏng hĭn.”