Populære bibelvers fra Rebaleisan - end blo ebriting 5

Del

Ane dempla ebribodi i bin sing wan niu sing diskain po dat Smolsip: ‘Yu da rait man po go ane teke da skrol ane broke dem lok ane openem. Bikoz ol i bin kile yu, yu bin ded, ane blad blo yu i bin sakripais po ebridem pipol blo God. Ol i kam prom ebri pamlelain, ebri langus, ebri pipol ane ebri kantri lo da wold.

Ane dempla i bin sing wea prapa nadakain laud bois dis sing ya: ‘Da Smolsip i gad rait, dat wan wea ebridem pipol i bin kile em. Em i da wan uda gad rait po gede strongpaua ane po gede ebridem prapa plasting, ane em i gad rait po gad prapa sabe ane po bi prapa strong. Em i gad rait po gede ona, truglori ane preiz ebritaim.’

Ane nau yu bin meke dempla kam king, ane po kam prist ya. Ane dempla go kam bos blo dis wold.’

Nau ai bin lisen ebri tok blo ebridem samting wea God i bin mekem. Ebridem samting wea i stap insaid lo eben ane lo da wold ane lo el ane lo solwata, ane ebribodi i bin goed po sing diskain: ‘Dem blesing ane ona ane truglori ane paua, demting i blo demtu, i mas gobaigen po da wan uda i sidaun de lo da tron ane po da Smolsip. Dem blesing ane ona ane truglori ane paua i go mata kipgo, no sabe pinis.’

Nau wan prom dem tuenti po elda ya em i spik lo mi diskain, ‘Man, yu no krai! Yu sabe uda dat man ya? Em dat Laian, dat prapa strong lida uda i kam prom pamlelain blo Zuda. Ane prapa bigate blo em, i King Deibid. Em bin win. Em nau da wan uda i gad rait po broke dem seben lok ane po opene dis skrol.’