Populære bibelvers fra Leta prom Zemes 4

Del

Daswai yupla mas mata lisen ane mekem wanem God i spik. Stanap prapa strong gense wanem Satana i spik, ane wen yupla i go mekem diskain Satana go ranwei go kuikwan prom yupla.

Yupla mas mata go klostu po God, ane wen yupla mekem diskain, God i go kam klostu po yupla. Stap meke ol nugud samting, yupla ol sina. Wa, strete yupla at, mekem kam klin, yupla ol tupes pipol.

Soe gudpasin prant wea BosLod, ane da BosLod go ona yupla ane kare yupla antap.

Bat God i mina soe spesilpeiba blo em po yumpla, daswai Baibol i spik: ‘God i stanap nadasaid gense dem pipol uda tingk dempla aiklas, bat em i soe gudpasin blo em po dem pipol uda i soe ambolwei.’

Wa, eni pipol uda sabe meke da raitting, bat no mekem, wa, dempla i meke sin.

Wen yupla prea po God po samting yupla no gedem, bikoz amen blo yupla i no rait. Yupla wande yuze dem samting po plize yuplaselp.

Yupla i ol demkain pipol uda bin pute God wansaid ane wosip ol lai samting. Yupla mina sabe wad, ip yupla labe da nugudwei blo da wold, diswan i meke yupla enami blo God. Ai spik gen, ip yupla prapa wande demting ya blo dis wold, den yupla kan bi pren blo God.

Wa. Yupla mina no sabe wanem go apen tumoro. Wiskain laip blo yupla? Yupla wase smok blo paia wea i kamaut po sottaim den apta i mina lus.