Populære bibelvers fra Namba 2 leta po Sos blo Korint 6

Del

Yupla i mas no zoine ed wea ol pipol uda i no bilib wea God. Bikoz wiskain diswan, ol pipol uda i mekem wanem God i wandem i go miks wea ol pipol uda i no mekem wanem God i wandem. Nono, i kan! Aukam diswan nau, lait i go meke ol samting tugeda wea da paua blo dak nogad no lait a? Nono, i kan!

Wiskain diswan nau, da tempol blo God i go zoin wea dem laigod? Nono, i kan! Ai tok diskain bikoz yumpla i da tempol blo da God uda i blo gibe laip. Bikoz God bin spik lo Baibol diskain: ‘Ai go stap wea dempla ane meke ol samting seimkain wiskain dempla i mekem. Ai gobi da God wea dempla i wosip ane dempla i gobi ol pipol blo mi.

Ai da AntapGod i spik yupla mas splitap prom dem nugudpipol ane yupla go ausaid, stap longwei prom dempla. No tase eni dem nugudting blo dempla, ane ai go welkam yupla. Ai gobi PapaGod blo yupla ane yupla i gobi ol boi ane ol gel pikinini blo mi. Ai da Strong AntapGod ya spik demkain.’

Wiskain diswan nau, Kraist i go meke ol samting tugeda wea Satana? I kan! Wiskain Kristian i gobi klostumet blo nadawan uda i no pole wei blo God? Dempla prapa kan!