Populære bibelvers fra Zenesis 12

Del

a ngath bangal nginu kaziw kazil koeyma aymoeyne, kurusipa bangal thana wara koey buway aymidhe. Ngath ngibepa woenab poeybane a nginu nel kadaypa manine. Ngi bangal ngaw woenaboenu kaday siparu mabaygoepa mura ibupuydhaypa. Ngibiya ngaya nanga asimoeyne mina zapa aymoeypa. Wa, ngath bangal lak thana ibupuydhepu mina zapa aymoeypa. A ngin bangal ngaya nanga wati bag thoeyaypu. Wa, ngath bangal thana lak wati bag idimpu. Ngath bangal mura lagal woenabal palepu kasa nginu yabugudiya.’

Wara thonara nuy Awgadh Abramalpa mulaydhin kedha, ‘Sena bangal ngidh nginu thathiw kupar moeram wanane, a nginu wara buway mabaygal. Ngath bangal ngibepa yakamoene mina kapu boeradhar

Abraman nanga 75 wathoelayg aymoeydhin, nuydh mab kuykaymoedhin Aranoengu adhapa, Awgadh midh na mulaydhin nubepa. Lotha nubiya kalmel asidhin.

Wa, senawbi lagoenu nanga Awgadh yakamaydhin Abramalpa a kedha mulaydhin nubepa, ‘In nubi lag ngath bangal poeybane nginu kaziw kazipa.’ Kalanu Abrama kulaw olta aymoeydhin Awgadhoepa, si senawbi doegamoenu.