Populære bibelvers fra RUM 8

Del

Uban uleu' jam Allah ngepaléu kekat ineu'-ineu' kivu pengeloo' Néh ke' néh jian, dokoo' Néh pesavéé' pengejian ngan kekat kelunan éh pika Iah.

Uban akeu' jam bé' pu'un ineu'-ineu' éh omok pepetat uleu' jin penika Kristus, pengematai péh bé' omok, meliket ngan ineu'-ineu' péh éh ja'au tong seruga péh bé' omok, bé' pu'un ineu'-ineu' hun iteu' péh ngan vam péh bé' éh omok, bé' pu'un ineu'-ineu' éh bau lu' ngan éh ra' lu' péh éh omok, bé' pu'un ineu'-ineu' ngan semah-semah péh éh omok pepetat lu' jin penika Allah éh pepoléng Néh ngan uleu' dalem Kristus Yésus éh Tuhan lu'.

Kenat péh Sahéé' pu'un nolong uleu' dalem kelemoo' lu'. Uban bé' uleu' jam sebayang mu'un, bang Sahéé' Ni'ai muruh sebayang uleu' ngan Allah, palaa' kuraa'-kuraa' ateng ha' éh bé' omok benara', Iah péh barei' okoo' ngerahéng dalem sebayang Néh.

Hun lu' seruh tong kekat inah, ineu' éh juk benara' lu' kepéh? Ieng ke'. Hun Allah pu'un pemung ngan uleu', bé' pu'un séé'-séé' éh omok nyopéé' uleu' kepéh.

Bé' pu'un ukum hun iteu' tong kelunan éh petem dalem Kristus Yésus.

Kelunan éh murip kivu kenin néh tengéé', kenin éh kenat mihin éh matai. Kelunan éh murip kivu tong sohoo' Sahéé' Ni'ai, ga' kelunan inah murip ngan pawah kenin.

Adang néh bé' pu'un ineu'-ineu' éh omok pepetat uleu' jin penika Kristus. Uleu' omok menang naneu' Iah éh pika uleu'.

Hun ké' seruh tong kekat penusah éh teneng tong uleu' hun iteu', si'ik awah éh hun ké' seruh tong kekat kemurung lu' pemung ngan Tuhan, ngan na'at Éh dalem kekat pengaren Néh kepéh vam.

Hun néh kenat, séé' omok pepetat uleu' jin penika Kristus? Kineu', omok penusah, ngan pengekurang, ngan pengeketa, ngan pengela'au', ngan pengekari, ngan kekat-kekat éh omok maneu' lu' tioo matai, ngan pengematai éh neu' kelunan ulak mematai kelunan? Kineu', omok kekat inah pepetat uleu' jin penika Kristus? Adang néh bé' omok.

Ngan Allah éh jam kenin kekat kelunan, Iah péh jam tong pengeloo' Sahéé', uban Sahéé' Ni'ai menyat jin Allah tong kekat kelunan éh anah nah, pekua' pengeloo' Allah.

Kelunan éh alaa' Sahéé' Tuhan pengeja'au néh, kelunan inah éh anah Tuhan mu'un.

Uban kelunan éh bé' jam urip Tuhan, pu'un éh murip kivu kenin néh tengéé'. Kelunan éh murip pekua' barei' pengeloo' Sahéé' Ni'ai, kekat kenin néh pu'un éh kivu sohoo' Sahéé' Ni'ai.

Uban bé' Tuhan sihun tong Anak Néh, bang Iah mena' éh ke' Néh matai uban Néh ngeliwah kekat uleu'. Anak Néh mu'un éh nena' Néh. Hun néh kenat, adang Iah keloo' mena' ineu'-ineu' éh jah ngan uleu' kepéh éh omok mihin uleu' menang.

Sahéé' Tuhan pemung ngan sahéé' uleu', pu'un éh bara' uleu' anak Allah. Uban uleu' éh anak Néh, uleu' omok alaa' kekat pengejian éh juk nena' Allah ngan kelunan éh anah nah. Kenat péh kepéh uleu' omok alaa' éh pemung ngan Kristus, kekat éh lepah pejajii', nah Allah ngan Anak Néh. Uban hun lu' keta pemung ngan Kristus, uleu' péh omok pemung ngan Néh lem pengaren Néh.

Kenat péh hun kelunan murip kivu kenin néh tengéé', inah éh ayau Allah.

Kekat arong penyuai Tuhan mena hun mah savéé' dau Tuhan ke' Néh pepoléng irah éh anak Néh mu'un.

Uban uleu' jam pah avéé' hun iteu' péh kekat arong penyuai Tuhan ngerahéng barei' redo éh ngerahéng juk nganak, kenat péh kekat penyuai Tuhan ngerahéng otoo' mena Tuhan ngelepu éh jin ukum.