Populære bibelvers fra LUKAS 1

Del

Uban Allah pu'un penyukat maneu' ineu'-ineu' péh, bé' pu'un éh bé' omok naneu' Tuhan Allah, ha' néh.

Ha' Meriam kepéh, Akeu' iteu' ripen Tuhan, jian éh pu'un kenat tong akeu' pekua' éh benara' ko' nah ha' néh. La'o inah meliket nah piso jin Meriam.

Ha' meliket mipa éh, Sahéé' Ni'ai juk tuhun tong ke' ngan penyukat Tuhan Allah pu'un tong ke', kenat péh Anak ko' iteu' nateng réh Anak éh ni'ai, ngan éh nateng réh Anak Allah.

Murung kenin ko' uban kekat ha' éh benara' Tuhan ngan ko', pu'un ke' ngelan éh juk kenat mu'un, ha' Elisabet ngan Meriam.

Ka'au' juk nemaléé' ngan juk nganak jah anak lakei', jian ke' maneu' ngaran Néh Yésus. Iah pu'un kenajung, ngaran Néh Anak Allah éh bau béé-béé. Tuhan Allah juk maneu' Yésus Raja' barei' Daud éh tepun néh sahau, ngan iah omok Pengeja'au pelinguh tong kekat irah éh jin betah Yakub. Kekat-kekat éh pu'un lem nihau Néh, bé' pu'un ga' néh, pu'un éh pelinguh, ha' meliket nah.

Boh meliket inah bara' ngan néh kepéh, ha' néh, Meriam, mai ke' medai, uban Allah pu'un ngevéléé' ke'.