Populære bibelvers fra YOHANES 2

Del

Inah éh kereja' Yésus tenah éh neu' Néh tong leboo' Kana tong tana' Galilia, sinah Éh pepoléng pengaren Néh, ngan irah bakéh Néh ngelan tong Néh.

Ha' Yésus, O redo, kineu' kenin ko'. Bé' jak avéé' tong jaka' Ké', ha' Néh.

Ka' ha' Yésus ngan irah kelunan sohoo', Jian keh ngeluang baa' lem kekat tajau nah, ha' Néh. Boh irah mena' baa' lem tajau inah avéé' néh penoo' mutaa'. Boh Yésus pané kepéh ngan réh, ka' ha' Néh, Jian keh tebung éh hun iteu' ngan mena' éh ngan lakei' pengeja'au réh nah, ha' Néh. Pelapah réh tai mena' éh.

Ka' ha' Yésus mipa réh, Nasa' umaa' Allah iteu', boh Akeu' maneu' éh dalem teleu' dau awah kepéh, ha' Néh.

Yésus alaa' talei' ke' Néh memerah ngan pekelap kekat ka'an olong réh jin umaa' Allah ngan muit mija kelunan éh ngeliwah rigit nah ngan Iah murat kekat rigit réh. Ka' ha' Néh ngan irah éh melih juhit éh barei' juhit punai nah, Keh alaa' kekat juhit keh nah jin siteu' mai keh maneu' lamin Tamen Ké' iteu' lamin jalan kelunan pebelih awah, ha' Néh.