Populære bibelvers fra Yahaya 15

Del

“Mpa ɗa kumiꞋi ka, a̱ɗa̱ ɗa acaka a. Vuza na baci dem u shamgbai koɓolo nu mpa ɗa mpa kpamu mi koɓolo n a̱yi, wi ta̱ a kumatsa ili ka̱u. Amma yi a kuyaꞋan ili ba, sai m ɓa̱nka̱ ɗa̱.

I shamgba baci koɓolo nu mpa n utsura, mi ta̱ feu a kushamgba koɓolo n a̱ɗa̱. Kacaka ka kumatsa ili n ka̱ci ka̱ ni ba. Ki ta̱ a kufuɗa kumatsa ili, ki baci koɓolo n kumiꞋi ka. Ta feu nannai yi a kufuɗa ya yaꞋan ili ba, sai i shamgba koɓolo nu mpa.

I shamgba baci koɓolo nu mpa ɗa i tonoi kuyotsongusu ku va̱, yi ta̱ o kufolono Dada va ili i na i cigai dem, ka̱ta̱ ta na u neke ɗa̱ i ɗa.

I zagba mu ba, amma mpa ɗa n zagbai ɗa̱. Ɗa n zuwai ɗa̱ i bana i yaꞋan icuꞋu yu ulinga i na i kukpa̱ɗa̱ kukotso. Ka̱ta̱ Dada va u yeve u neke ɗa̱ ili dem i na i folonoi ni n kula ku va̱.

Vuma u kuwa̱ baci adama a̱ a̱ja̱Ꞌa̱ a̱ ni, na lo u yotsongu ta̱ wi ta̱ n ucigi u na u laꞋi u vuza dem.

Kacaka ki baci koɓolo nu mpa ɗa ka̱ kpa̱ɗa̱i kumatsa ili, u tsu kapa ta̱ kaꞋa. Ka̱ta̱ kpamu u jebe u lapula kacaka dem ka na ka matsai ili kenu adama a na ko doku ka matsa ili ka̱u.

Na va ɗaɗa ili i na mi a kudana ɗa̱ i yaꞋan: ciganai uteku u na n cigai ɗa̱ ɗe.

Yi baci a kumatsa ili ka̱u tsu nam pa, i yotsongu ta̱ a na a̱ɗa̱ mukumitoni n va̱ n ɗa yi, yi ta̱ o kuyotsongu uma tsugbayin tsu Dada vu va̱.

Yesu u lyaꞋi kelime n kuyaꞋan kadanshi m mukumitoni n ni, u danai, “Mpa ɗa kumiꞋi ku ma̱ɗimbi† ma mayun. Dada vu va̱ ɗa kacimbi.

Vuza na baci dem u shamgbai koɓolo nu mpa ba, wi ta̱ tsu kacaka ka na a tsu vakangu ka̱ta̱ ke ɗekpe. Uma a ci ɗika ta̱ acaka a, a zuwa a ɗa a akina, ka̱ta̱ o songu.

“N dana ɗa̱ ta̱ ɗe ili i nam pa ra̱ka̱ adama a na i ciya̱ ma̱za̱nga̱ uteku u na mpa mi m maꞋa, ka̱ta̱ kpamu ma̱za̱nga̱ ma̱ ɗa̱ ma shana.

I yaꞋan baci i na n danai, yi ta̱ a kushamgba punu a ucigi u va̱. Ta feu nannai, n yaꞋan ta̱ ɗe ili i na Dada u danai, mi ta̱ a kushamgba punu a ucigi u ni.

Na va ɗaɗa ili i na n danai ɗa̱ i yaꞋan: ciganai.

A̱ɗa̱ aza a aduniyan a ɗa baci yi ishi, ishi ta̱ a kuciga ɗa̱ uteku u na a cigai aza e le. Amma mpa n zagba ɗa̱ ta̱ ɗa mu uta̱ka̱i ɗa̱ a̱ ka̱tsuma̱ ka aduniyan, adama a nannai a̱ɗa̱ aza a aduniyan a ɗa ba. I ɗaɗa i zuwai ɗa aduniyan a iwain ɗa̱.