Populære bibelvers fra ရူဝ်းမႃႉ 2

Del

ၵူၺ်းၵႃႈ၊မဵဝ်း​ၵူၼ်း႟။ မႂ်း​တႅပ်းတတ်း​ၶဝ်​ၸိူဝ်း​ဢၼ်​ၵမ်ၵျၢင်ႉ​ဢမ်ႇလီ​ၸိူဝ်ႉ​ၼင်ႇ​ၼႆ​သေလႄႈ​တူဝ်​မႂ်း​ၵေႃႈ​ႁဵတ်း​မိူၼ်​ပိူၼ်ႈ​ယူႇ​ယဝ်ႉ။ ၸွင်ႇ​မႂ်း​ထၢင်ႇ​တူဝ်ၸဝ်ႈၵဝ်ႇ​တၵ်း​ၵၢင်းလွတ်ႈ​တၢင်း​ဢၼ်​ၽြႃးပဵၼ်ၸဝ်ႈ​ၸီႇယၢင်ႇ​ႁိုဝ်း။- ဢမ်ႇၼၼ်​ၵေႃႈ​လွင်ႈ​ဢၼ်​ၵရုၼႃႇ​ၽြႃးပဵၼ်ၸဝ်ႈ​မီး​ဝႆႉ​ႁႂ်ႈ​ၸူဝ်း​ဢဝ်​မႂ်း​ၶုၵ်းၸႂ်လႆႈ​မႆႈၸႂ်​ဢပျတ်ႈ​လႄႈ​ပိၼ်ႇၸႂ်​မႃး​ၼၼ်ႉ​မႂ်း​ဢမ်ႇ​ႁု​လူင်​ပႄႇ။ ၸွင်ႇ​မႂ်း​လူလၢႆ​ၵရုၼႃႇ​ၽြႃးပဵၼ်ၸဝ်ႈ​ဢိၵ်ႇ​လူၺ်ႈ​ၸႂ်ယႂ်ႇ​ၸႂ်​ယၢဝ်း​ဢၼ်​မၼ်းၸဝ်ႈ​ယိူၼ်ႉၶၢမ်ႇ​မႂ်း​ၼၼ်ႉ​ႁိုဝ်း။

မဵဝ်း​ၵူၼ်း႟။ ဢမ်ႇ​ဝႃႈ​မႂ်း​ပဵၼ်​ၽႂ်​ၵေႃႈ​ပေႃး​မႂ်း​ၸႅတ်ႈ​သေး​တႅပ်းတတ်း​ပိူၼ်ႈ​ၸိုင်၊မႂ်း​ဢမ်ႇ​ႁူမ်ႇ​ဢပျတ်ႈ​မႂ်း​ဝႆႉ​လႆႈ။ လွင်ႈ​မၼ်း​ၸမ်ႉ၊တၢင်း​ဢၼ်​မႂ်း​တႅပ်းတတ်း​ဢပျတ်ႈ​ပိူၼ်ႈ​ၼၼ်ႉ​ပဵၼ်​တၢင်း​ဢၼ်​ၸီႇယၢင်ႇ​ပၼ်တၢမ်ႇ​တူဝ်​မႂ်း​ၵူၺ်း၊ၵွပ်ႈပိူဝ်ႈ​မႂ်း​တႅပ်းတတ်း​ဢပျတ်ႈ​ပိူၼ်ႈ​ၼၼ်ႉ​လႄႈ​လႆႈ​ႁဵတ်း​ဢပျတ်ႈ​မိူၼ်​ၵၼ်​တင်း​ပိူၼ်ႈ​ဢေႃႈ။

ၵွပ်ႈပိူဝ်ႈ​ၸိူဝ်ႉ​ၼင်ႇ​ႁိုဝ်​ဝႃႈၼႆ​ၸမ်ႉ၊ၽြႃးပဵၼ်ၸဝ်ႈ​ၸီႇယၢင်ႇ​တြႃး​ပၼ်​ၵူၼ်း​ၵူႈ​ၵေႃႉ​ၽဵင်ႇ​ပဵင်း​ၵၼ်​ဢေႃႈ။

လွင်ႈ​မၼ်း​ၸမ်ႉ၊ၵွပ်ႈပိူဝ်ႈ​ထွမ်ႇဢဝ်​ပိင်းၺၢပ်ႈတြႃး​လၢႆ​လၢႆ​လႄႈ​ၽြႃးပဵၼ်ၸဝ်ႈ​မၢတ်ႈ​ၶဝ်​ပဵၼ်​ၵူၼ်း​သိုဝ်ႈတေႃႇ​ဢမ်ႇၸႂ်ႈ။ ၵွပ်ႈပိူဝ်ႈ​ၵမ်ၵျၢင်ႉ​ၸွမ်း​ပိင်းၺၢပ်ႈတြႃး​ၼၼ်ႉ​ၵူၺ်း​လႆႈ​မၢတ်ႈ​ၶဝ်​ပဵၼ်​ၵူၼ်း​သိုဝ်ႈတေႃႇ​ဢေႃႈ။

လွင်ႈ​မၼ်း​ၸမ်ႉ၊ၽြႃးပဵၼ်ၸဝ်ႈ​တႅၼ်း​ပၼ်​ဢၵျူဝ်း​တီႈ​ၵူၼ်း​ၵူႈ​ၵေႃႉ​ၸွမ်းၼင်ႇ​ဢၼ်​မၼ်း​လႆႈ​ၵမ်ၵျၢင်ႉ​ႁဵတ်း​မႃး​ၼၼ်ႉ​ဢေႃႈ။

ၵူၺ်းၵႃႈ၊တီႈ​ၶဝ်​ၸိူဝ်း​ဢၼ်​ၸၢင်ႈ​ၶတ်း​ၶႅင်​ႁႅင်း​တႃႉ​လႄႈ​ထဵင်​ပႅတ်ႈ​သမ်ႇမႃႇ​တြႃး​သေ၊သမ်ႉ​ထွမ်ႇဢဝ်​တၢင်း​ႁၢႆႉမိူၵ်ႈ​ၼၼ်ႉ​တေ​လႆႈ​ဢၵျူဝ်း​ဢၼ်​ၸႂ်မႆႈ​ၸဝ်ႈ​ႁႅင်း​ၼႃႇ​ဢေႃႈ။

ၵူၺ်းၵႃႈ၊မႂ်း​ၸမ်ႉ၊မီး​ႁူဝ်ၸႂ်​ဢၼ်​တိုဝ်​တၼ်​ၼႃႇ​ဢမ်ႇ​ၸၢင်ႈ​ပိၼ်ႇၸႂ်​မႃး​လႄႈ​မႂ်း​လႆႈ​ၵွင်​ဝႆႉ​သိမ်းဢဝ်​တၢင်း​ၸႂ်မႆႈ​ၸဝ်ႈ​ပုၼ်ႈ​တူဝ်ၸဝ်ႈၵဝ်ႇ​တေႃႇထိုင်​ဝၼ်း​ဢၼ်​ၽြႃးပဵၼ်ၸဝ်ႈ​တၵ်း​ပွႆႇ​တေႃးသႃႉ​ႁႅင်း​ၼႃႇ​လႄႈ​ၸီႇယၢင်ႇ​ၸွမ်းၼင်ႇ​တၢင်း​သိုဝ်ႈတေႃႇ​ၸဝ်ႈ​ထၢင်ႇထၢင်ႇသႃးသႃး​ၼၼ်ႉ​ဢေႃႈ။