Populære bibelvers fra ရူဝ်းမႃႉ 14

Del

လွင်ႈ​မၼ်း​ၸမ်ႉ၊မိူင်းၽြႃးပဵၼ်ၸဝ်ႈ​ဢၼ်​ဝႃႈ​ၼၼ်ႉ​တႄႇ​ယူႇ​ၼိူဝ်​ၶဝ်ႈ​ၼမ်ႉ​တၢင်းၵိၼ်​ဢမ်ႇၸႂ်ႈ။ မၼ်း​တႄႇ​ယူႇ​ၼိူဝ်​လွင်ႈတၢင်း​ဢၼ်​သိုဝ်ႈတေႃႇ၊လွင်ႈ​တၢင်းၼိမ်​ၶျၢမ်းသႃႇ၊ဢိၵ်ႇတင်း​လွင်ႈတၢင်း​ဢၼ်​ၸူမ်းသိူဝ်း​ၼႂ်း​ဝိၺိၺ်ႇ​မူတ်းၸၢင်ႇ​ၸဝ်ႈ​ဢေႃႈ။- ၵွပ်ႈၼႆ​လႄႈ​ၵေႃႉ​ဢၼ်​ပွင်ၵၢၼ်​ ၸဝ်ႈ​ၶရိၸ်ႈ၊ ၸိူဝ်ႉ​ၼင်ႇ​ၼႆ​ၼၼ်ႉ​ပဵၼ်​ၵေႃႉ​ဢၼ်​ၽြႃးပဵၼ်ၸဝ်ႈ​ထုၵ်ႇၸႂ်​ဢိၵ်ႇတင်း​ၵေႃႉ​ဢၼ်​ၵူၼ်း​တင်း​လႆႈ​ယုၵ်ႉယွင်ႈ​ဢေႃႈ။

ပေႃး​ႁဝ်း​ဢသၢၵ်ႈလိပ်း​ယူႇ​ၸိုင်၊ႁဝ်း​ထုၵ်ႇလီ​ဢသၢၵ်ႈလိပ်း​ယူႇ​ပုၼ်ႈတႃႇ​ဢၵျူဝ်း​ၸဝ်ႈၽြႃး​လႄႈ​ပေႃး​ႁဝ်း​တၢႆ​ၵေႃႈ​ထုၵ်ႇလီ​တၢႆ​ပုၼ်ႈတႃႇ​ဢၵျူဝ်း​ၸဝ်ႈၽြႃး​ဢေႃႈ။ ပိူဝ်ႈ​ၼႆ​လႄႈ​ႁဝ်း​ဢသၢၵ်ႈလိပ်း​ယူႇ​သေဢမ်ႇဝႃႈ​ႁဝ်း​တၢႆ​သေဢမ်ႇဝႃႈ​ႁဝ်း​ပဵၼ်​ၵူၼ်း​ၸဝ်ႈၽြႃး​ဢေႃႈ။

ပိူဝ်ႈ​ၼႆ​လႄႈ​ႁဝ်း​ဢွၼ်ၵၼ်​ဢဵၼ်းဢၢၼ်း​ႁႃ​ႁဵတ်း​လွင်ႈတၢင်း​ဢၼ်​ပွင်​ဢၵျူဝ်း​တၢင်းၼိမ်​ၶျၢမ်းသႃႇ​ဢိၵ်ႇတင်း​လွင်ႈ​ဢၼ်​ႁဝ်း​ၼင်ႇ​ၵၼ်​ပၼ်​ဢဵၼ်​ပၼ်ႁႅင်း​ၵၼ်​ယူႇ​တႃႇသေႇ​တႃႉ​ႁဝ်း။

ပိူဝ်ႈ​ၼႆ​လႄႈ​ဢွၼ်ၵၼ်​ဝႄႈ​ပႅတ်ႈ​တၢင်း​ဢၼ်​ၼင်ႇ​ၵၼ်​ၵၼ်​တၢင်ႇ​ဢပျတ်ႈ​တီႈ​ၵၼ်​ၼၼ်ႉ​တႃႉ​ႁဝ်း။ ႁဝ်း​ဢွၼ်ၵၼ်​ၽွမ်ႉၵၼ်​တႅပ်းတတ်း​ဝႃႈ​ႁဝ်း​တေ​ဢမ်ႇ​ႁဵတ်း​သေ​ၸိူဝ်ႉ​သေ​မဵဝ်း​ဢၼ်​တၵ်း​ႁႂ်ႈ​ပီႈၼွင်ႉ​ႁဝ်း​ၶီႈလိုတ်း​လႄႈ​လူမ်ႉ​ၵႃႈၼႂ်း​တၢင်းၽိတ်း​တႃႉ​ႁဝ်း။

ၼႂ်း​ၵျၢမ်းလိၵ်ႈ​တႅမ်ႈ​ဝႆႉ​ဝႃႈ၊ “ၵႃႈ​ၼင်ႇ​ဢၼ်​ၵဝ်​ဢသၢၵ်ႈလိပ်း​ယူႇ​ၼၼ်ႉ၊ ၵူၼ်း​ၵူႈၵေႃႉၵူႈၵူၼ်း​တၵ်း​ၶုပ်ႉၶဝ်ႇ​ၵႃႈတီႈ​ၽၢႆႇၼႃႈ​ၵဝ်​ဢေႃႈ။ ၵူၼ်း​ၵူႈၵေႃႉၵူႈၵူၼ်း​တၵ်း​ပိုတ်ႇ​ပၢၵ်ႇ​ႁပ်ႉတုင်း​ဢဝ်​ဝႃႈ​ၵဝ်​ပဵၼ်၊ ၽြႃးပဵၼ်ၸဝ်ႈ​ဢေႃႈ​ဝႃႈၼႆ​ၸဝ်ႈၽြႃး​မီး​ဢမိင်ႉ​ဢေႃႈ၊” ဝႃႈ​ၼင်ႇ​ၼႆ​ဢေႃႈ။- ၵွပ်ႈၼႆ​လႄႈ​ႁဝ်း​ၸိူဝ်း​ၼႆႉ​ၵူႈၵေႃႉၵူႈၵူၼ်း​တၵ်း​လႆႈ​ၽုၺ်ႇၼႄ​လွင်ႈ​တၢင်းၵမ်​တၢင်းၵျၢင်ႉ​တူဝ်ၸဝ်ႈၵဝ်ႇ​ႁင်း​ၽႂ်​ႁင်း​မၼ်း​ၽၢႆႇၼႃႈ​ၽြႃးပဵၼ်ၸဝ်ႈ​ဢေႃႈ။

ႁပ်ႉတွၼ်ႈ​ၵေႃႉ​ဢၼ်​တၢင်းယုမ်ႇမၢတ်ႈ​ႁႅင်း​လဵၵ်ႉ​ႁႅင်း​ၵေႇ​ၼၼ်ႉ​သေလႄႈ​ယႃႇပေ​တွပ်ႇထဵင်​ၵၼ်​တင်း​မၼ်း​လူၺ်ႈ​လွင်ႈ​ဢၼ်​မၼ်း​ထၢင်ႇ​ထိူမ်​ၼၼ်ႉ။

မႂ်း​ပဵၼ်​ၽူႈလႂ်​လႄႈ​ၵႂႃႇ​တၢင်ႇ​ဢပျတ်ႈ​တီႈ​ၵူၼ်း​ၸႂ်ႉ​ၵူၼ်းသွႆ​ပိူၼ်ႈ​တၢင်ႇၵေႃႉ​ၼၼ်ႉ။ ၸဝ်ႈ​မၼ်း​ၼၼ်ႉ​ၵူၺ်း​တၵ်း​ၸႅတ်ႈ​တူၺ်း​တႅပ်းတတ်း​လွင်ႈ​ဢၼ်​မၼ်း​ႁဵတ်း​လီ၊ဢမ်ႇလီ​ၼၼ်ႉ​ဢေႃႈ။ ၼင်ႇ​ၼႆ​လႄႈ​မၼ်း​တၵ်း​လႆႈ​လီ​ၵွပ်ႈပိူဝ်ႈ​ၸဝ်ႈၽြႃး​ႁဵတ်း​ႁႂ်ႈ​မၼ်း​လီ​လႆႈ​ဢေႃႈ။