Populære bibelvers fra ယူဝ်း 8

Del

ၸဝ်ႈ​ယေႇသု၊ သမ်ႉ​လၢတ်ႈ​တီႈ​ၵူၼ်း​ၵိူင်း​ ၽႃႇရိသႄး၊ ၸိူဝ်း​ၼၼ်ႉ​ထႅင်ႈ​လႄႈ​ဝႃႈ၊ “ၵဝ်​ပဵၼ်​ဢၼ်လႅင်း​လေႃးၵႃႉ​ၼႆႉ​ဢေႃႈ။ ၵေႃႉ​ဢၼ်​ၸပ်းၸွမ်း​ၵဝ်​ၼၼ်ႉ​တေ​ဢမ်ႇ​လႆႈ​ပႆ​ၼႂ်း​ဢၼ်​လပ်းသိင်ႇ။ မၼ်း​တၵ်း​လႆႈ​ဢၼ်လႅင်း​ဢသၢၵ်ႈ​ဢေႃႈ၊” ဝႃႈ​ၼင်ႇ​ၼႆ​ဢေႃႈ။

သူ​တၵ်း​လႆႈ​ႁု​သမ်ႇမႃႇ​တြႃး​လႄႈ၊သမ်ႇမႃႇ​တြႃး​ၼႆႉ​တၵ်း​ပွႆႇ​သူ​လွတ်ႈ​ဢေႃႈ၊” ဝႃႈ​ၼင်ႇ​ၼႆ​ဢေႃႈ။

မိူဝ်ႈ​ၼၼ်ႉ၊ ၸဝ်ႈ​ယေႇသု၊ လၢတ်ႈ​တီႈ​ၵူၼ်း​မဵဝ်း​ ၵျူး၊ ၸိူဝ်း​ဢၼ်​ယုမ်ႇမၢတ်ႈ​မၼ်းၸဝ်ႈ​ၼၼ်ႉ​လႄႈ​ဝႃႈ၊ “ပေႃး​သူ​ၵမ်ၵျၢင်ႉ​တြႃး​ၵဝ်​ၸိုင်၊သူ​ပဵၼ်​တပႄး​ၵဝ်​ၸႅတ်ႈ​ၸႅတ်ႈ​ဢေႃႈ။

ပိူဝ်ႈ​ၼႆ​လႄႈ​ပေႃး​လုၵ်ႈၸဝ်ႈ​ပွႆႇ​သူ​လွတ်ႈ​ၸိုင်၊သူ​တၵ်း​လႆႈ​လွတ်ႈ​တႄႉတႄႉ​ဢေႃႈ။

မိူဝ်ႈ​ဢၼ်​ၶဝ်​သိုပ်ႇ​ထၢမ်​ယူႇ​ၶိူဝ်းၶိူဝ်း​ၼၼ်ႉ၊ ၸဝ်ႈ​ယေႇသု၊ လုၵ်ႉၸုၵ်း​သေလႄႈ​လၢတ်ႈ​ဝႃႈ၊ “ၼႂ်း​သူ​ၼႆႉ ႁႂ်ႈ​ၵေႃႉ​ဢၼ်​ဢမ်ႇ​ယၢမ်ႈ​ႁဵတ်း​ဢပျတ်ႈ​သေပွၵ်ႈ​ၼၼ်ႉ ဢဝ်​မၢၵ်ႇႁိၼ်​ပိုဝ်ႈ​သႂ်ႇ​မၼ်း​ဢွၼ်တၢင်း​ပိူၼ်ႈ​တႃႉ၊” ဝႃႈ​ၼင်ႇ​ၼႆ​သေယဝ်ႉ၊

ၸဝ်ႈ​ယေႇသု၊ ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ “ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​မၼ်း​တီႈ​သူ​ၸမ်ႉ၊ၵေႃႉ​ဢၼ်​ႁဵတ်း​ဢပျတ်ႈ​ၵူႈၵေႃႉၵူႈၵူၼ်း​ၼၼ်ႉ၊ပဵၼ်​ၶႃႈ​ဢပျတ်ႈ​ယဝ်ႉ​ဢေႃႈ။

မၼ်းၸဝ်ႈ​ၶိုၼ်း​လုၵ်ႉၸုၵ်း​သေယဝ်ႉ၊လၢတ်ႈ​တီႈ​မႄႈယိင်း​ၼၼ်ႉ​လႄႈ​ဝႃႈ၊ “မႄႈယိင်း႟။ ၶဝ်​ၸိူဝ်း​ဢၼ်​တၢင်ႇ​ဢပျတ်ႈ​မႂ်း​ၼၼ်ႉ​ၵႂႃႇ​ၵႃႈတီႈလႂ်​မူတ်း​ယဝ်ႉ။ ၽူႈလႂ်​သေၵေႃႉသေၵူၼ်း​ဢမ်ႇ​ၸီႇယၢင်ႇ​ဢမု​မႂ်း​ႁိုဝ်း၊” ဝႃႈ​ၼင်ႇ​ၼႆ​ဢေႃႈ။ မႄႈယိင်း​ၼၼ်ႉ​ၶိုၼ်း​လဝ်ႈလၢတ်ႈ​လႄႈ​ဝႃႈ၊ “ၽူႈလႂ်​ၵေႃႈ​ဢမ်ႇ​ၸီႇယၢင်ႇ​သေၵေႃႉသေၵူၼ်း​ၶႃႈ၊” ဝႃႈ​ၼင်ႇ​ၼႆ​လႄႈ၊ ၸဝ်ႈ​ယေႇသု၊ ၵေႃႈ​လၢတ်ႈ​လႄႈ​ဝႃႈ၊ “ၵဝ်​ၵေႃႈ​ဢမ်ႇ​ၸီႇယၢင်ႇ​ဢမု​မႂ်း​ယဝ်ႉ။ ၵႂႃႇ​တႃႉ။ ၵမ်းလိုၼ်း​ယႃႇပေ​ႁဵတ်း​ဢပျတ်ႈ​ထႅင်ႈ၊]” ဝႃႈ​ၼင်ႇ​ၼႆ​ဢေႃႈ။