Populære bibelvers fra Madiu 19

Del

Eno weisaro Yesuma eno wei, emema da ufeisaie Godima i yaisina ufekuke Danu mane ma wirofiakua wei.

Eno weisaro Yesuma ma owerike emuabairo eno wei, yewa wake kakuraisaba me wei? Godima emeini aweka ubu uike eno wei, iduaba i mima danu amae babae medifiakuke danu awekabairo dakaa ufiro emua una raarayaima una demui ari sifisisia Godima eno wei. I owaowa ya kakuraisaba me Yesuma eno wei? Eno weike nono wei, Godima eno ui ibake emeini aweka emua una raarayai mero emuae una demui ari. Godima emua ma dakaa ui ibake moi mima emua da ma kasifiakua wei.

Eno weisaro Yesuma ma owerike emuabairo eno wei, yewa wake kakuraisaba me wei? Godima emeini aweka ubu uike eno wei, iduaba i mima danu amae babae medifiakuke danu awekabairo dakaa ufiro emua una raarayaima una demui ari sifisisia Godima eno wei. I owaowa ya kakuraisaba me Yesuma eno wei? Eno weike nono wei, Godima eno ui ibake emeini aweka emua una raarayai mero emuae una demui ari. Godima emua ma dakaa ui ibake moi mima emua da ma kasifiakua wei.

Eno weisa ibake Yesuma Danu iwoka ukeka oroubake wake bunawereroma eno wei, i amarananaku Nabairo aafisane weakunea wei. Eno weike nono wei, i ure yawokeka orofae emenu ibake weakunea wei. Eno weike nono wei, emenu aareka daaba yama dadau da uforo wei.

Nono moi yewa dooro daiwere sine ibinisa oroue i urero okoananaku sifeisaya eno wei. Nono moi Godinu waiya ukaisa orou emuae yewa dooro okoanakuba urero amufeisaie iro daiwere sifeisaya Yesuma eno wei.

Aina mima danu kakaini nabueini aruarumaini amaeini babaeini amarananakuini waiyaini Nanu ibibake medifekuie i ari eno moi keuwere urero moko mufekuke me ibene ibene ibifekua wei.

Eno weiro Yesuma dawabake eno wei, anu arara Godi ari irauaiai simaua wefakuie aniake anu eraerabusa yaisina make oi muake i oi yaisina eraerabusa me oroubairo mayanake Nanu umuro aara wei. Eno ufakuie a urero eraerabusa keuwere iro mufakua eno wei.

Eno weiro Yesuma dawabake eno wei, aneme irauaiaibake we nauke eraaku wei? Godi mane irauaiaiya wei, I me ibene ibene ibifane imufakuie Godinu darawadu wake yaisina naukenewaa ua wei.

Enoba nono yabake weakunea wei, moi abu danu ibiye kemo, dawa bobo ebaro fare anifekuie dawabairo meya ara wei. Nono i eraerabusa keuwere bobo minu urero anekae owaina me araramama imusu aria wei.

Nono yabake weakune wei, moi mima danu irau aweka moi emeakabake uke dakaku aweka medifekuie ba me merama ufekua weike nono wei, danu aweka medifekuke moi aweka mufekuro danu awoena awekaini demuiro dodoo ukeifisisiie meramawereya wei.

Yesuma Danu iwoka ukeka oroubake eno wei, yabake ba wake wemaro nauawe wei. I eraerabusa keuwere mima Godinu ure yawokaku daabaro anaadae owaina me araramama imusu ari ukeifekuro anifekua wei.