Populære bibelvers fra Maka 12

Del

Jesu eha vene ijá 'wama Godoni tamana natohwijaho ikena. Isureri ora ja hami heha. Núni Godijaho Natohwe 'ee nikwinu'wina. Joni Natohwa Godiho 'aveniji'i maho'o oja mahe 'ee vwihaji'i maho'o oja mahe 'ee haruriji'i maho'o oja mahe 'ee ojiji'i maho'o oja ma'avara. Ikaho ijihuni nijahijina. Ja ojono oja ma'aravu ja'ina'e joni rori ea ka'ene hijujija 'u'o oja mi'avara. Tamana 'aho'a ike no'ohe'i ikija paasitahara 'wamana

'Ejume Jesu Huni tisaiporu 'umenaume pu Huni roume Hu ijá 'iama Nimaa Na ja 'waravu amuna kajarahara uneunecha pa'amai monia eaka mapoka kajipo roe katua ka'ene savajaho asita ranamana. Ea pu monia mapoka vajahajihuni maijaho pu monia rukini jihuni hahi avajara kaivo amuna kajaho uneunecha pa'ajihuna'e huna ka'ene areri navuji samana 'iamana.

Jesu va'e katua savuri tevua rori ijí hina ea mapokapo monia ka'ene savaji kivi'i hi'eme ea ka'ene monia puna ani reji'ina kajipo puni monia mapoka 'eka roe savara. 'E'eme amuna ka'ene uneunecha pa'amaa kaivo monia sahura oma no'o ma'u'umai areri monia toia oma no'o erusamana.

'Ejume ja Hu ojiji'i maho'o oja mahe 'ee joni vwihaji'i maho'o oja mahe 'ee haruriji'i maho'o oja mahe 'ee ea ka'ene oni rori hijujija oja mihe areri ja ojono oja ma'aravu ja'ina. Ijipo swasa ka'ene 'eka roe swasa vejujaho maho'o asitahana 'wamana.

'Ejume Jesu ijá 'iama Sisa oni uneunechijaho Sisa vajaha 'ee Godoni uneunechijaho Godi vajaha 'iavume pu ijí hene oja hwa'usunahana.