Handelinge - In Sy Krag: Gister en Vandagنموونە

Lees: Handelinge 28

SOAP: Handelinge 28:30–31

Soos ons nou ons studie oor Handelinge afsluit, mag ons daaraan herinner word om te leef en te dien en Christus te verkondig, op dieselfde manier as wat die vroeë kerk dit gedoen het. In sy laaste dae het Paulus, met dapperheid en sonder beperkinge, voortgegaan om Christus te verkondig en mense te leer.

Paulus was voortdurend deur die Heilige Gees bemagtig. Van die oomblik van sy bekering tot die oomblik van sy dood, was die konstante werk van die Heilige Gees in Paulus se lewe duidelik sigbaar. Paulus was dikwels bang, maar selfs te midde van sy vrees het hy Christus verkondig. Sy omstandighede het nie sy getuienis bepaal nie.

As gelowiges in Christus, moet ons na dieselfde getuienis strewe. Ongeag van ons omstandighede, finansiële situasie, huwelikstatus, gesondheid of omgewing, moet ons getuienis dieselfde wees. Mag ons mense wees wat die koninkryk van God verkondig en wat met volkome dapperheid, en sonder beperkinge, ander van die Here Jesus Christus sal leer.

Here Jesus, laat my ‘n getuie wees van u evangelie, ongeag my omstandighede. Help my om nie toe te laat dat my situasie, my vrees of my reputasie my getuienis vir U dikteer nie. U alleen is my lewe waardig. Help my om elke dag gefokus te wees op die verspreiding van u evangelie aan die wêreld. Amen.