زبُور 3
3
فصلِ سِوّم
تَوَکُل دَ خُداوند دَ وختِ مُشکِلات
زبُورِ داوُود، وختِیکه اُو از پیشِ باچِه خُو اَبشالوم دُوتا کد.
1اَی خُداوند دُشمَنای مه چِیقس کَلو یَه،
غَدر کسا دَ ضِد مه باله مُوشه!
2غَدر کسا دَ بارِه مه مُوگیه:
”از طرفِ خُدا بَلدِه ازُو کُدَم خلاصی نِییه.“ سِلاه.#۳:۲ معنای امزی کلِمه که بار ها دَ کِتاب زبُور اِستِفاده شُده، واضِح نِییه. ولے اِمکان دَره که دَ ادبیاتِ عِبرانی یگ علامَت بَشه بَلدِه طرِیقِه خاندونِ شعر یا بَلدِه یگ وَقفه.
3لیکِن تُو اَی خُداوند، مِثلِ سِپر دَ چاردَور مه اَستی،
تُو شِکوه-و-جلال مه اَستی، امُو که مَره سربِلند مُونی.
4ما دَ پیشِ خُداوند دَ آوازِ بِلند ناله-و-فریاد مُونُم
و اُو از کوهِ مُقَدَّس خُو دَ داد مه مِیرَسه. سِلاه.
5ما دِراز کشِیده خاو رفتُم و بیدار شُدُم،
چُون خُداوند از مه نِگاهوانی مُونه.
6از هزاران هزار نفر ترس نَمُوخورُم
که گِرد مَره گِرِفته.
7باله شُو اَی خُداوند!
اَی خُدای مه، مَره نِجات بِدی!
چُون تُو دَ رُوی دُشمَنای مه مِیزَنی
و دَندونای شرِیرو ره مَیده مُونی.
8نِجات دَ خُداوند تعلُق دَره؛
بَرکت تُو دَ بَلِه قَوم تُو قرار بِگِیره. سِلاه.
دیاریکراوەکانی ئێستا:
زبُور 3: HAZ
بەرچاوکردن
هاوبەشی بکە
بەراوردکردن
لەبەرگرتنەوە
دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە
Text of this book may be quoted in any form (written, visual, electronic or audio) up to and inclusive of five hundred (500) verses without express written permission of the publisher, provided the verses quoted do not amount to a complete book of the Bible nor do the verses quoted account for 25% of the total text of the work in which they are quoted. Notice of copyright must appear on the copyright page of the work as follows:
Scripture taken from Hazaragi Bible.
Copyright © 2025 UBS. Used by permission. All rights reserved.