اعمال 17
17
تَسالونیکیده شلوغ دؤشیر
1پولُس اینان سیلاس، آمْفیپولیس و آپولونیا شَهرلریندن گچندن سورا، تَسالونیکی شَهرینه گلدیلر، کی یهودیلار اؤردا عبادتگاه وارلاریدی. 2پولُس همیشهکی رَسمی اوستوندَن گئتدی عبادتگاهیا. او اؤچ مُقدّس شنبه بیر بیر آردینا، اوللار اینان مُقدّس یازیلیلاردان بحث ائدیردی 3و توضیح وئریردی و بئللرینه ثابت ائدیردی کی لازم ایدی کی مَسیح زَجر چَکه و اؤلولَردَن دئرّیلَه. او دئییردی کی: «بو عیسا کی سیزه اعلام ائدیرم، ائله او وَعده وئریلَن مَسیح دیر.» 4اوللارینگ بیر پاراسی مُجاب اولدولار و پولُس و سیلاسا قوشولدولار، ائله بئله دا بیر بویوک جمعیت تارئیی پَرست ائدَن یونانلیلاردان و اَلبَت اوللار آراسینداکی باشیبویوک آروادلار ده آز دهییللَردی.
5آما یهودیلار حَسودلیگ ائدیلَر و بیر پارا شَریر آدام بازاردان کُپ ائدیلَر و بیر اوباش بئیله دؤزَتدیلار و شَهرده شلوغ سالدیلار. اوللار تؤکدولَر یاسون ائوینه تا پولُس و سیلاسی چیخارتالّار یازّیا، جماعت آراسینا. 6اوللاری بولا بیلمهینده، یاسونی و بیر پارا کاکالاری چَکدیلَر شَهرینگ باشی بویوکلری یانینا. اوللار داد وورورلاردی کی: «او کیشیلَر کی دنیایی اویز و بویز ائدمیشلَر، بورایا دا گلمیشلر، 7و یاسون ده اوللاری آپارمیش اؤز ائوینه. بوللارینگ واریسی روم پادشاهی، قیصر فرمانلارینینگ ضِدّینه رووآل ائدیرلَر و دئییرلر کی بیر آیری پادشاه وار کی آدی عیسا دیر.» 8خلخ و شَهرینگ باشی بویوکلری بو گپلری ائشیدَنده، پریشان اولدولار. 9اوللار، یاسوندان و باقّی کاکالاردان بیر مقدار پیل ضمانت ایچی آلدیلار و اوندان سورا دا اوللاری ویل ائدیلَر.
پولُس و سیلاس بیریه شَهرینده
10کاکالار فیالفور پولُساینان سیلاسی گئجه بیریه شَهرینه یوللادیلار. اوللار اؤرا ائتیشنده، گئدیلَر یهودیلار عبادتگاهینا. 11اؤراداکی یهودیلار او یهودیلاردان کی تَسالونیکیده ایدیلار اَصیل زادهتر ایدیلار. اوللار تارئ کلامینی شوق و ذوق اینان قبول ائدیلَر و گؤنده مُقدّس یازیلیلاری دقّت اینن اوخوییرلاردی تا گؤرَلَّر بو زادلار ائله بئله دیر کی بوللار دئییرلر یا یو. 12بئله اولدو کی، یهودیلارینگ چوخو ایمان گتیردیلار و ایمان گتیرَن سَرشناس یونانلی آروادلارینگ سایقوشی دا آز دهییلدی و ائله بئلهده سَرشناس یونانلی کیشیلَردَن.
13آما اوندا کی تَسالونیکیداکی یهودیلار بیلدیلر کی پولُس بیریهده دا تارئ کلامینی اعلام ائدیر، بیریهیه دا گلدیلَر و خلخی جوشاردیلار و شَهرده شلوغ سالدیلار. 14اوندا کاکالار پولُسی ائله او آن یوللادیلار دریا قیراقینا ساری. آما سیلاس و تیموتائوس بیریهده قالدیلار. 15پولُسینگ یانی سورا گئدَن آداملار، آتِن شَهرینَنچاز، بئلَسی اینن گئتدیلَر و اوندان سورا بیر فرمان اینان کی سیلاس و تیموتائوس ایچی ایدی، اؤردان آیریلدیلار. او فرمان ده بو ایدی کی، سیلاس و تیموتائوس هر نه تئزتر پولُسا قوشولاسیلار.
پولُس آتِنده
16ائله بئله کی پولُس آتِنده اوللار یولونو گؤزلهییردی، بونونگ گؤرمَکیندَن کی شَهر دؤلو بُت دیر، روحو، ایچینده پریشان اولدو. 17پس عبادتگاهدا، یهودیلار و تارئیی پَرست ائدَن آداملار اینن، بازاردا ده هر گؤن اؤرداکی آداملار اینان، بحث ائدیردی. 18بیر پارا اپیکوری و رَواقی فیلسوف دا پولُس اینان بحث بَناسی قؤیدولار. اوللارینگ بیر پاراسی دئییرلردی: «بو ویرّاج نه سئیر دئیه؟» باقّی کَس ده دئییرلَردی: «بیرینه بنزهییر کی اؤزگه تارئلاری تبلیغ ائدیر.» بو سَبریه کی پولُس، عیسا و اؤلومدَن دئرّیلمَک بارهسینده تَعلیم وئریردی. 19اوللار پولُسی گؤتوردولَر و آپاردیلار آریس یالینا، اؤرا کی خَلخ ییغیلیرلَردی، و دئدیلر: «اولیر بیلَک بو تازّا تَعلیم کی سن وئریرَینگ، نهدیر؟ 20بو سَبریه کی سؤزلرینگ بیزیم قولاقیمیزا بئله عَجیب-غریب گلیر. پس سئیرَک بیلَک کی بو زادلارینگ معنیسی نه دیر.» 21واری آتِنلیلَر و اؤردا زندلیگ ائدَن غَریبهلَر، هئچ ایش گؤرمئیرلَردی بهغیری بو کی اوتورالّار و تازّا عقیدهلَر بارهسینده دانیشالّار و ائشیدلَّر.
22پس پولُس، آریس یالیندا، خلخ ییغیلَن یئرینگ اورتاسیندا توردو و دئدی: «ای آتِن کیشیلَری، من گؤرورَم کی سیز هر نَظردن چوخ دینداراینز. 23بو سَبریه کی اوندا کی شَهرده گزیردیم و او زادلارا کی سیز پَرست ائدیرَینز باخیردیم، بیر قُربانگاها تیش گلدیم کی اوستونه یازیلمیشدی: «ناتانیش تارئ ایچی.» ایندی، من او ناتانیشی کی پَرست ائدیرَینز بئلَینزه اعلام ائدیرَم. 24او تارئ کی دنیایی و هَر نهیی کی ایچینده دیر یاراتدی، گؤی و یئرینگ اَیهسی دیر و بَشر اَلیاینَن دوزهلَن مَعبدلرده زندلیگ ائدمئیر. 25بَشر اَللَری باشارماز اؤنا خدمت ائده، بئله کی انگار او بیر زادا مُحتاج دیر، بو سَبریه کی اؤنونگ اؤزو بوتون بَشره زندَلیگ، نَفَس و واری زاد وئریر. 26او واری ملّتلَرینگ آداملارینی بیر نفردن دؤزهتدی تا یئرینگ او باشیندان بو باشینانچاز زندلیگ ائدَلَّر؛ او، ایلرتردن معین اولونموش زامانلاری و او یئری کی اؤردا زندلیگ ائدهسیلر معین ائدی. 27تا آداملار تارئ قولونجونا گَزَلَّر، تا بلکم اؤنا ساری گئدَلَّر و اؤنو بولالّار، هَرچند کی تارئ بیزیم هئچ بیریمیزدن ایراق دهییل. 28بو سَبریه کی،
”دئرلیگیمیز، ترپشدیگیمیز و وارلیگیمیز اوندا دیر“؛
ائله اولهیین کی حتّی سیزینگ اؤز شاعرلرینزینگ بیر پاراسی ده دئمیشلر کی:
”گرچَکدن کی بیز اؤنونگ نَسلیندنَک.“
29«ایندی کی تارئ نَسلیندنَک بئلهیین فکر ائدمئیهسیک کی الهی وارلیگ طلا و نُقره و قیمتلی داش اینان دؤزهلَن مُجسمه لهیین دیر کی آدامیزادینگ هُنری و تَخیّلی اونو دؤزتمیش اولا. 30قَدیمده تارئ بئلهیین نادانلیگلار اوستونه گؤز یومّیردی. آما ایندی او واری یئرده واری آداملارا فرمان وئریر کی توبه ائدلَّر. 31بو سَبریه کی تارئ بیر گؤنو مَعین ائدمیش کی او گؤنده مَعین ائتدیگی کیشی طریقیندَن، دنیایا عِدالت اینن حکم ائدَر؛ و اؤنو اؤلومدَن دئرّیتمَک اینن، واری کَسی بو ایشدَن مطمئن ائدمیش.»
32اوللار اؤلومدَن دئرّیلمک بارهسینده ائشیدَنده، بیر پاراسی ریشخند ائدیلَر، آما باقّیسی دئدیلر: «بیز بو بارهده گئنه ده سندَن ائشیتَرَک.» 33پس پولُس اوللارینگ آراسیندان گئتدی. 34آما بیر پارا آداملار اؤنا قوشولدولار و ایمان گتیردیلر. او آداملار آراسیندا دیونیسیوس کی آریس یالیندا ییغیلَن شورا آداملاریندان ایدی، بیر داماریس آدلی آرواد و نئچه آیری آدام دا وار ایدیلار.
دیاریکراوەکانی ئێستا:
اعمال 17: QII
بەرچاوکردن
لەبەرگرتنەوە
بەراوردکردن
هاوبەشی بکە
دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە
@ 2024 Korpu Company