بیرینجی نامه، قُرِنتلیلَره 3
3
کلیسادا تَفرقه
1آما کاکالار، من باشارمادیم سیزینگ اینن اولهیین دانیشام کی روحانی آداملار اینان، دانیشیرام، بلکی بئلَینز اینن او طور دانیشدیم کی جسمانی آداملار اینان و او آداملار اینان کی مَسیحه اولان ایمانلاریندا اوشاق لهیین دیرلَر، دانیشیرام. 2من سیزی سؤد اینان دویارتدیم نه آغیر خورَکی اینن، چونکی سیز بونونگ ایچی آماده دهییلدینز و حَتّی ائله ایندیسی ده حَلی آماده دهییلَینز. 3بو خاطره کی سیز حَلی جسمانییانز. وختی آراینزدا حَسودلیگ و جَر و دعوا وار، بئیه بئله دهییل کی سیز جسمانییانز و فقط بَشر یولونا گؤره رووآل ائدیرَینز؟ 4چون اوندا کی بیری دئییر: «من پولُسا تَعلّق واریم،» و او بیری دئییر: «من آپولُسا تَعلّق واریم،» بئیه بئلهیین، دنیانینگ باقّی آداملاری لهیین دهییلَینز؟
5پس، آپولُس کیم دیر؟ پولُس کیم دیر؟ اوللار بیر پارا نوکر دیرلار کی رَب اوللارینگ هر بیرینه بیر ایش تاپشیردی تا سیز اوللار طریقیندَن ایمان گتیرَینز. 6من اَکدیم، آپولُس سووآردی، آما تارئ گئیَرتدی. 7پس، نه او کی اَکیر بیر زاد دیر، نه ده او کی سووآریر، بلکی فقط تارئ، کی گئیَرتیر. 8اَکن و سووآران، ائله بیر دیرلَر و اوللارینگ هر بیرسی ده چکدیگی زَحمته گؤره، اؤز مُزدینی آلار. 9بو خاطره کی بیز، تارئ یانی سورا ایش گؤرنلَرک. سیز، تارئنینگ اَکینی یئرییَینز، تارئنینگ عمارتییَینز.
10تارئ منه وئردیگی فیضه گؤره، بیر ماهر بنّا لهیین من بیر پِی قؤیدوم و بیر آیری کَس ده او پِی اوستونه دؤزهتیر. هَر کَس هوشکار اولسون کی او پِی اوستونه نهیین دؤزهتیر. 11چونکی هئچکَس باشارماز او قؤیولان پِیدان آیری، بیر آیری پِی قؤیا. او پِی، عیسا مَسیح دیر. 12ایندی اگر بیری او پِی اوستونه، طلا اینن، نُقره اینن، اَرزشلی داشلار اینان، آغاج اینان، گئی اوت اینان یا دا سامان اینان دؤزته، 13هر کَسینگ ایشی آلهیین اولور، چونکی او گؤن، اونو آلهیینه چیخارتار، بو سبریه کی اوت اونو آشکار ائدَر و اوت امتحان ائدر کی هَر کَس نه رَقم ایش گؤرموش. 14اگر او ایش کی بیر آدام بَناسینی او پِی اوستونه قؤیموش، قالا، او آدام اَجر آلار. 15اگر دا کی بیر آدامینگ ایشی یانا، او آدام ضَرر ائدَر؛ هرچند کی اؤنونگ اؤزو نجات توتار، آما بیر آدام لهیین اولور کی اوتینگ اَلوولاری ایچیندن جان بورد ائدمیش.
16بئیه بیلمئیرَینز کی سیز تارئنینگ مَعبدییَینز و تارئنینگ روحو سیزده مَنزل واری؟ 17اگر بیری تارئنینگ مَعبدینی نابود ائده، تارئ اؤنو نابود ائدر؛ بو خاطره کی تارئنینگ مَعبدی مُقدّس دیر و سیز او مَعبدَینز.
18هئچکَس اؤزونو آلداتماسین. اگر سیزینگ آراینزدا بیری وار کی گمان ائدیر بو زامانادا بیر حِکمتلی آدام دیر، قؤی او آدام نادان اولا تا بلکم حِکمتلی اولا. 19چونکی بو دنیانینگ حِکمتی تارئ نَظرینده نادانلیگ دیر. ائله اولهیین کی اَیّوب کتابیندا یازیلمیش کی: «حِکمتلیلَری، اوللارینگ اؤز حقّهسینه گرفتار ائدیر،» 20و ائله بئله ده زَبور کتابیندا یازیلمیش: «رَب، حِکمتلیلَرینگ فکرلَریندن آگاه دیر و بیلیر کی هئچ دیر.» 21پس هئچکَس، آداملارا غَرّه اولماسین. چونکی واری زاد سیزینگ دیر، 22چه پولُس، چه آپولُس، چه کیفا، چه دنیا، چه زندلیگ، چه اؤلوم، چه ایندی زامانی و چه ایندیدن بئله گلَن زامان، واریسی سیزینگ دیر، 23و سیز مَسیحکییَینز و مَسیح تارئکی دیر.
دیاریکراوەکانی ئێستا:
بیرینجی نامه، قُرِنتلیلَره 3: QII
بەرچاوکردن
لەبەرگرتنەوە
بەراوردکردن
هاوبەشی بکە
دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە
@ 2024 Korpu Company