Psalms 43
43
1အို ဘုရားရှင်၊ အကျွန်ုပ်တွင်အပြစ်မရှိကြောင်း စီရင်တော်မူပါ။ ဘုရားတရားကင်းမဲ့သူတို့အား ဆန့်ကျင်လျက် အကျွန်ုပ်၏အမှုကိစ္စကို ရင်ဆိုင်ဖြေရှင်းပေးတော်မူပါ။ လိမ်လည်လှည့်ဖြား၍ မတရားပြုသောသူ၏လက်မှ အကျွန်ုပ်ကို လွတ်မြောက်စေတော်မူပါ။ 2အကြောင်းမူကား ကိုယ်တော်သည် အကျွန်ုပ်၏မှီခိုရာ ဘုရားရှင်ဖြစ်တော်မူ၏။ အဘယ်ကြောင့် အကျွန်ုပ်ကို ငြင်းပယ်တော်မူပါသနည်း။ အကျွန်ုပ်သည် အဘယ်ကြောင့် ရန်သူတို့၏ဖိနှိပ်မှုထဲ၌ ဝမ်းနည်းပူဆွေးလျက် သွားလာနေရပါသနည်း။ 3ကိုယ်တော်အလင်းနှင့် သမ္မာတရားကို စေလွှတ်တော်မူပါ။ ထိုအရာတို့သည် ကိုယ်တော်၏ သန့်ရှင်းမြင့်မြတ်သော တောင်တော်သို့လည်းကောင်း၊ ကိုယ်တော်ကိန်းဝပ်တော်မူရာ တဲတော်သို့လည်းကောင်း ဦးဆောင်လမ်းပြလျက် ခေါ်ဆောင်သွားကြပါစေ။ 4ထို့နောက် အကျွန်ုပ်သည် ဘုရားရှင်၏ ပလ္လင်တော်သို့လည်းကောင်း၊ အကျွန်ုပ်၏ ဝမ်းမြောက်ရွှင်လန်းခြင်းဖြစ်တော်မူသည့် ဘုရားရှင်ထံတော်သို့လည်းကောင်း သွားပါမည်။ အို ဘုရားရှင်၊ အကျွန်ုပ်၏ဘုရားရှင်၊ အကျွန်ုပ်သည် စောင်းကိုတီး၍ ကိုယ်တော်ကိုချီးမွမ်းပါမည်။ 5အို အကျွန်ုပ်၏စိတ်ညာဉ်၊ သင်သည် အဘယ်ကြောင့် ညှိုးငယ်နေရပါသနည်း။ အကျွန်ုပ်အထဲ၌ အဘယ်ကြောင့် မငြိမ်မသက်ဖြစ်နေရပါသနည်း။ ဘုရားရှင်အား မျှော်လင့်၍ ယုံကြည်ကိုးစားလော့။ အကျွန်ုပ်သည် အကျွန်ုပ်အားကယ်တင်တော်မူသောအရှင်၊ အကျွန်ုပ်ဘုရားရှင်ကို နောက်ထပ်တစ်ဖန် ချီးမွမ်းပါမည်။
دیاریکراوەکانی ئێستا:
Psalms 43: TPV-RV
بەرچاوکردن
هاوبەشی بکە
بەراوردکردن
لەبەرگرتنەوە
دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.