Psalms 36
36
1ယုတ်မာကောက်ကျစ်သောသူ ကျူးလွန်သောအပြစ်နှင့်ပတ်သက်၍ အကျွန်ုပ်၏စိတ်နှလုံးထဲမှ မိန့်ကြားတော်မူချက်မှာ "သူ၏မျက်မှောက်တွင်ရှိသော ဘုရားရှင်ကို ကြောက်ရွံ့ခြင်းမရှိ။ 2အကြောင်းမူကား သူသည် မိမိကိုယ်မိမိ မြှောက်ပင့်ပြောဆို၍ မိမိ၏အပြစ်ဒုစရိုက်ကိုမမြင်နိုင်၊ မုန်းတီးနိုင်ခြင်းလည်းမရှိ။ 3သူ၏နှုတ်ထွက်စကားတို့သည် ယုတ်ညံ့၍ လိမ်လည်လှည့်ဖြားတတ်၏။ သူသည် ပညာသတိရှိခြင်းနှင့် ကောင်းသောအမှုပြုခြင်းကို စွန့်လေပြီ။ 4သူသည် မိမိ၏အိပ်ရာပေါ်၌ပင် အပြစ်ဒုစရိုက်ကို ကြံစည်တတ်၏။ သူသည် မကောင်းသောလမ်းသို့ အမြဲလိုက်၍ မကောင်းမှုကို စွန့်ပယ်ခြင်းမရှိ။ 5အို ဘုရားရှင်၊ ကိုယ်တော်၏ မေတ္တာဂရုကရုဏာတော်သည် ကောင်းကင်သို့ရောက်၍ ကိုယ်တော်သစ္စာတော်သည် မိုးတိမ်၏အထက်တိုင်အောင် ရောက်ပါ၏။ 6ကိုယ်တော်၏ဖြောင့်မတ်ခြင်းသည် မြင့်မားသောတောင်များကဲ့သို့လည်းကောင်း၊ ကိုယ်တော်၏တရားစီရင်ခြင်းတို့သည် အလွန်နက်ရှိုင်းရာအရပ်ကဲ့သို့လည်းကောင်း ဖြစ်တော်မူပါ၏။ 7အို ဘုရားရှင်၊ ကိုယ်တော်၏မေတ္တာကရုဏာတော်သည် အဖိုးထိုက်တန်လှပါ၏။ လူသားတို့သည် ကိုယ်တော်၏ အတောင်တော်အရိပ်အောက်၌ ခိုလှုံကြပါ၏။ 8အကျွန်ုပ်တို့သည် ကိုယ်တော်ပေးတော်မူသည့် ကိုယ်တော်၏အိမ်တော်တွင်ရှိသော ပေါများစွာသော အစာရေစာတို့ကို စားသုံးကြရပါ၏။ ကိုယ်တော်သည် အကျွန်ုပ်တို့အား ကိုယ်တော်၏ ကောင်းမြတ်တော်မူသည့်မြစ်မှရေကို သောက်သုံးခွင့်ပေးတော်မူပါ။ 9အကြောင်းမူကား ကိုယ်တော့်ထံ၌ ကိုယ်တော့်ထံ၌ အသက်စမ်းရေတွင်းရှိပါ၏။ ကိုယ်တော်၏အလင်းတော်၌ အကျွန်ုပ်တို့သည် အလင်းကိုမြင်ကြရပါ၏။ 10ကိုယ်တော်ကို သိသောသူတို့၌ ကိုယ်တော်၏မေတ္တာကရုဏာတော်ကိုလည်းကောင်း၊ စိတ်နှလုံးဖြောင့်မှန်သောသူတို့၌ ကိုယ်တော်၏ဖြောင့်မတ်ခြင်းကိုလည်းကောင်း တည်မြဲစေတော်မူပါ။ 11မာန်မာနရှိသောသူ၏ခြေထောက်သည် အကျွန်ုပ်ပေါ်သို့ ရောက်မလာပါစေနှင့်။ ယုတ်မာကောက်ကျစ်သူ၏လက်သည်လည်း အကျွန်ုပ်ကိုနှင့်ထုတ်ခွင့် မရပါစေနှင့်။ 12ကြည့်လော့။ အပြစ်ဒုစရိုက်ပြုသောသူတို့ လဲကျသွားကြပြီဖြစ်၏။ သူတို့သည် တွန်းချရ၍ ပြန်မထနိုင်ကြတော့ပေ။
دیاریکراوەکانی ئێستا:
Psalms 36: TPV-RV
بەرچاوکردن
هاوبەشی بکە
بەراوردکردن
لەبەرگرتنەوە
دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.