Psalms 28
28
1အကျွန်ုပ်၏ ကျောက်ဆောင်ဖြစ်တော်မူသော ဘုရားရှင်၊ ကိုယ်တော်ကို အကျွန်ုပ်ခေါ်ပါ၏။ အကျွန်ုပ်အား မထူးဘဲနေတော်မမူပါနှင့်။ ကိုယ်တော်သည် အကျွန်ုပ် ခေါ်သည်ကိုမကြားဘဲ တိတ်ဆိတ်စွာနေတော်မူပါလျှင် အကျွန်ုပ်သည် သေတွင်းထဲသို့ဆင်းသွားသူကဲ့သို့ ဖြစ်ရပါလိမ့်မည်။ 2အကျွန်ုပ်သည် ကိုယ်တော့်ထံသို့ အကူအညီပေးရန် အော်ဟစ်တောင်းလျှောက်သောအခါ၌လည်းကောင်း၊ ကိုယ်တော်၏ သန့်ရှင်းမြင့်မြတ်သည့်နေရာရှိသို့ အကျွန်ုပ်၏လက်ကို မြှောက်သောအခါ၌လည်းကောင်း အကျွန်ုပ်အသနားခံသောအသံကို နားထောင်တော်မူပါ။ 3မိမိတို့၏ အိမ်နီးချင်းများအား ငြိမ်းချမ်းပြောဆိုတတ်ကြသော်လည်း မိမိ့၏စိတ်နှလုံး မကောင်းမှုများရှိကြသည့် ယုတ်မာကောက်ကျစ်သူများ၊ အပြစ်ဒုစရိုက်ပြုကြသူများနှင့်အတူ အကျွန်ုပ်အားဆွဲခေါ်သွားတော်မမူပါနှင့်။ 4သူတို့၏ လုပ်ဆောင်ချက်များနှင့် သူတို့ပြုသော မကောင်းမှုဒုစရိုက်များအတိုင်း သူတို့အား ပေးဆပ်စေတော်မူပါ။ သူတို့၏လက်ဖြင့် ပြုသောအမှုအတိုင်း သူတို့အား ပေးဆပ်စေတော်မူပါ။ သူတို့ခံထိုက်သောအရာကို သူတို့အား ပြန်၍ပေးတော်မူပါ။ 5သူတို့သည် ဘုရားရှင်၏ လုပ်ဆောင်မှုတို့ကိုလည်းကောင်း၊ ကိုယ်တော်၏လက်တော်ဖြင့် ပြုတော်မူသည့် အမှုတို့ကိုလည်းကောင်း အလေးအနက်ထားကာ ဆင်ခြင်ခြင်းမရှိကြသောကြောင့် ကိုယ်တော်သည် သူတို့ကိုဖြိုဖျက်၍ ပြန်လည်တည်ဆောက်တော်မူလိမ့်မည်မဟုတ် 6ဘုရားရှင်သည် မင်္ဂလာရှိပါစေ။ အကြောင်းမူကား ကိုယ်တော်သည် အကျွန်ုပ်အသနားခံသောအသံကို ကြားတော်မူပြီဖြစ်၏။ 7ဘုရားရှင်သည် အကျွန်ုပ်၏အစွမ်းသတ္တိ၊ အကျွန်ုပ်၏ ဒိုင်းလွှားဖြစ်တော်မူ၏။ အကျွန်ုပ်၏စိတ်နှလုံးသည် ကိုယ်တော်ကိုယုံကြည်ကိုးစားသဖြင့် အကျွန်ုပ်သည် ကူညီမစတော်မူခြင်းကိုခံရ၏။ ထို့ကြောင့် အကျွန်ုပ်၏စိတ်နှလုံးသည် ရွှင်မြူး၏။ အကျွန်ုပ်သည် ကိုယ်တော်ကျေးဇူးတော်ကို ချီးမွမ်းသီဆိုမည်။ 8ဘုရားရှင်သည် မိမိလူမျိုးတော်အတွက် အစွမ်းသတ္တိဖြစ်၏။ ကိုယ်တော်သည် မိမိဘိသိက်ပေးထားသောသူအတွက် ကယ်တင်ခြင်းရဲတိုက်ဖြစ်တော်မူ၏။ 9ကိုယ်တော်၏လူမျိုးတော်ကို ကယ်တင်၍ ကိုယ်တော်၏အမွေတော်ကို ကောင်းချီးပေးတော်မူပါ။ သူတို့ကို ထိန်းကျောင်း၍ သူတို့အား အစဉ်အမြဲ ပွေ့ချီ၍ ခေါ်ဆောင်တော်မူပါ။
دیاریکراوەکانی ئێستا:
Psalms 28: TPV-RV
بەرچاوکردن
هاوبەشی بکە
لەبەرگرتنەوە
دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.