Psalms 116
116
1ဘုရားရှင်သည် ငါ၏အသံ၊ ငါ၏အသနားခံခြင်းကို နားညောင်းတော်မူသောကြောင့် ငါသည် ကိုယ်တော်ကိုချစ်၏။ 2ကိုယ်တော်သည် ငါ့ကို ဂရုစိုက်နားထောင်တော်မူသောကြောင့် ငါသည် အသက်ရှင်နေသရွေ့ ကိုယ်တော်ကိုခေါ်မည်။ 3မရဏ၏ကျော့ကွင်းတို့သည် ငါ့ကိုရစ်ပတ်၍ သေခြင်းနိုင်ငံ၏ပြင်းပြသောဝေဒနာတို့သည် ငါ့အပေါ်ကျရောက်ကြ၏။ 4ထိုအခါငါသည် "အို... ဘုရားရှင်၊ အကျွန်ုပ်၏စိတ်နှလုံးကို လွတ်မြောက်စေတော်မူပါ" ဟု ဘုရားရှင်၏နာမတော်ကို ခေါ်၍တောင်းလျှောက်၏။ 5ဘုရားရှင်သည် ကျေးဇူးပြုတတ်သောသဘော၊ ဖြောင့်မတ်သော သဘောရှိတော်မူ၏။ ငါတို့၏ဘုရားရှင်သည် သနားစုံမက်တော်မူတတ်၏။ 6ဘုရားရှင်သည် အသိဉာဏ်နည်းပါးသောသူတို့ကို စောင့်ရှောက်တော်မူ၏။ ငါသည် အခြေအနေနိမ့်ပါးလျက်ရှိသောအခါ ကိုယ်တော်သည် ငါ့ကိုကယ်တင်တောမူ၏။ 7အို... ငါ၏စိတ်ဝိဉာာဉ်၊ သင်၏ငြိမ်ဝပ်ရာ အရပ်သို့ပြန်လာလော့။ အကြောင်းမူကား ဘုရားရှင်သည် သင့်ကိုကောင်းကျိုးပေးတော်မူပြီ။ 8အမှန်တကယ်ပင် ကိုယ်တော်သည် အကျွန်ုပ်၏စိတ်ဝိဉာာဉ်ကို သေခြင်းမှလည်းကောင်း၊ အကျွန်ုပ်၏မျက်စိကို ငိုကြွေးခြင်းမှ လည်းကောင်းဦ၊ အကျွန်ုပ်၏ခြေကို ခလုပ်တိုက်ခြင်းမှလည်းကောင်း၊ လွတ်မြောက်စေတော်မူပြီ။ 9ငါသည် အသက်ရှင်သောသူတို့၏ပြည်၌ ထာဝရဘုရား၏ရှေ့မောက်တွင် အသက်ရှင်လျှောက်လှမ်းမည်။ 10"ငါသည် ဒုက္ခဝေဒနာများစွာခံစားရ၏" ဟု ပြောစဉ်ပင် ငါ၌ယုံကြည်ခြင်းရှိ၏။ 11"လူအပေါင်းတို့သည် လိမ်လည်သောသူများသာဖြစ်ကြ၏" ဟုငါအလန့်တကြားပြောဆိုမိ၏။ 12ငါ့အပေါ် ဘုရားရှင်ပြုတော်မူသော ကျေးဇူးအပေါင်းတို့အတွက် ကိုယ်တော်ကို ငါမည်သို့ပြန်ဆပ်နိုင်မည်နည်း။ 13ငါသည် ကယ်တင်ခြင်းခွက်ဖလားကို မြှောက်၍ ဘုရားရှင်၏နာမတော်ကို ခေါ်မည်။ 14ဘုရားရှင်ထံပြုထားသော ငါ၏ဂတိသစ္စာများကို ကိုယ်တော်၏လူမျိုးတော်အားလုံးရှေ့၌ ငါပြည့်စုံစေမည်။ 15ဘုရားရှင်၏ရှေ့တော်၌ မိမိသန့်ရှင်းသူတို့၏ သေဆုံးခြင်းသည် အဖိုးတန်လှ၏။ 16အို ဘုရားရှင်၊ အမှန်တကယ်ပင် အကျွန်ုပ်သည် ကိုယ်တော်၏ အစေအပါးများဖြစ်၏။ အကျွန်ုပ်သည် ကိုယ်တော်၏အစေအပါး၊ ကိုယ်တော်သည် အကွန်ုပ်ခံရသော အချည်အနှောင်များမှ ကျွန်ုပ်ကို လွတ်မြောက်စေတော်မူပြီ။ 17အကျွန်ုပ်သည် ကျေးဇူးတော်ချီးမွမ်းခြင်းပူဇော်ရာကို ရှေ့တော်၌ပူဇော်၍ ဘုရားရှင်၏နာမတော်ကို ခေါ်ပါမည်။ 18ဘုရားရှင်ထံပြုထားသော ငါ၏ကတိသစ္စာများကို ကိုယ်တော်၏လူမျိုးတော်အားလုံးရှေ့၌လည်းကောင်း၊ 19ဘုရားရှင်၏အိမ်တော်ဝင်း၌ လည်းကောင်း၊ အို...ဂျေရုဆလင်မြို့၊ သင်၏အလယ်၌လည်းကောင်း ငါပြည့်စုံစေမည်။ ဘုရားရှင်ကို ချီးမွမ်းဇော်ကြလို့။
دیاریکراوەکانی ئێستا:
Psalms 116: TPV-RV
بەرچاوکردن
هاوبەشی بکە
بەراوردکردن
لەبەرگرتنەوە
دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.