Nahumu 2
2
Zudaa minin wɔ paǹ li
1 #
IZA 52.7. Á ke, ma yii n dia dí-a wole ganaa,
kele mìi-n die:
A n die ka boo tii kɔɔ̃n nɛ,
là nyantoro boo ne.
Ka kaa zɔ́nɔn zɛnaa,
Zudaa minin lɛn.
Ka lɛ kɔ Dɛnaa Lawa la
ka mànan mɛnɛn nɛ,
ka bɛn zɛnaa.
Min baraa#2.1 Bɛ n Asiiriin kii lɛa. kɛ a re doe kaa
gána-n doo wa,
a pàã mɛnaa.
Ninivu kiwi a paǹ li
2Á ke,
sɔraasin nə́ ke die n gialaa Ninivu:
N kungɔnɔn lɛduə̃,
n doa n ziin gialaa
n yɔrɔ bɔ ziabaa taman yii,
n pàã tumaa sɔkɔn.
3Ǹ nə́ Izirayeli ziziɛ̃ lenlen,
ǹ nə́ ǹ *rezɛ̃ dan tumaa ziziɛ̃.
Sɛnɛ, Dɛnaa Lawa n die Zakɔba tɔ siɛ lon.
Hiĩ, a n die tɔ golebaa koe Izirayeli la.
Ninivu a mɛnaa
4Zɔ́ɔ sɔraasin lɛn maǹ ka
goóro tãtãn nɛ,
mɔnaa tãtãn nɛ ǹ ganaa,
n yɔrɔ boe woe zia la.
Ǹ ziabaa ǹ wotoron kɛn
man telee-n kɔn li,
tɛ pii ka tɛ buə̃ bɛ́ lɔn.
Sɛmiɛ̃n nə́ bìn diɛ giala kɔ.
5Ziabaa ǹ wotoron lɛn nə́ yiɛ
zii dadaran gialaa,
ǹ nə́ n mìi fɔ̃ bǎã dadaran ganaa.
Maǹ tɛ pii, ǹ yii n fuu
ka la a tɛ-pɛ bɛ́ lɔn.
6Ǹ kii lɛ dia
a sɔraasin nyɛɛnaandɛnan la,
maǹ die bɛ̀ ǹ tá tatalɛɛ.
Maǹ baa si woe ziabaa ǹ kungɔnɔn li.
Ǹ nə́ màn da kiɛnlɛn lɛn pàã li.
7Bǎã goon ne,
kiɛnlɛn mɛnɛn bɛ́ dia-n tàn la,
ǹ nə́ bɛn yiyiɛ,
ǹ nə́ kii a kii kion kɛ kũ.
8Sàabaa ba la wa,
ǹ nə́ Ninivu gɔn bɔ a giala lɛ,
ǹ nə́ woo ne bɛ̀rɛbaa ǹ bǎã nɛ.
Lɔn mɛnɛn bɛ́ dínyɛɛ nɛ,
bɛn man gini,
ǹ nə́ n tìãbii dii foo-ziziɛ̃ taman yii.
9Ninivu n ka mu doo á ke lɔn,
a n mu boe.
Maǹ baa sii:
«Ka gole ka gole!»
Sɛnɛ, min mɛnɛn bɛ́ baa sii,
n kɔn ba n bɔyɛɛ wa.
10Ka sana kokoo, ka wɔrɔ kokoo!
Ninivu a paãmabaa a nyɛɛ wa.
A gɔn màn giɔ̀mɔ kakaan nə la yii ni.
11Ǹ ná a tumaa koã,
ǹ nə́ yu, ǹ nə́ yɔyɔrɛ.
Minin foo ziziɛ̃, ǹ gòãn nə́ gã,
ǹ gɔ̀nɔn nə bìn diɛ,
ǹ yɔrɔ ziziɛ̃.
Ninivu n ka yàra mɛn nə́ ke ǹ nə́ dɛ
12Lɛlɛ,
Ninivu na á goã ka yàran bǎã bɛ́ lɔn.
A na á goã yàra sa laanka
yàra dan a woo ǹ bǎã lɛa,
Maǹ nə ǹ nɛn toe ǹ nə́ ǹ tamɛɛ a nɛ,
ǹ ba nyɛ́ɛ biɛ màn kɔn nɛ wa.
13Yàra n don siĩ dii a tɔtoɛ̃,
yàra dan laanka a nɛn wɔ lɛa.
A bɛ́ don siĩn mɛnɛn dii,
bɛn ná a yala pã.
14Á ke,
Pàãyiidɛnaa Lawa n kɛ pii:
«Nsɛ Ninivu,
man die yui n gialaa.
Man die tɛ diɛ n ziabaa ǹ
wotoron ganaa,
ǹ kukũ lenlen.
N nɛ tenən kɛn ka yàra nɛn manɛ,
Zia á re ǹ bii.
N mɛnaa ma la siin kɛn
ma á re bɛn sàabiɛ tán la,
n dia dí-a wolen kɛn kɔn
lɛ á re boe doo wa.»
دیاریکراوەکانی ئێستا:
Nahumu 2: SCE2013
بەرچاوکردن
هاوبەشی بکە
لەبەرگرتنەوە
دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە
San Catholic Edition Bible © Bible Society of Burkina Faso, 2013.