FULO BITIMA
BITIMA
Fulote maxaafi Israeelete manni Gibitsete gobbara borojjimmatenni hee'rannowiinni fulino gara kulanno. Kunni maxaafi su'mi, Israeelete manni Gibitsete gobba agure fulansa ledo amadisiinse fushshinoonniho. Kuni maxaafi 4 qara qara ikkino gafa afi'rino: 1. Gibitsete gobbanni fula, 2. Siina Ilaaliwa iilla, 3. Amanyootunniha, mannu ledo heeshshohanna amma'note seera aate Maganu mannisi ledo eino gondooronna, 4. Magansi'nanni minenna giddo hee'ranno uduunne amandanni gara, hattono, qeesootunnihanna Magano magansi'rate uyinoonni seera kulannoho.
Kuni maxaafi wo'munkunni aleenni, Maganu borojjimmatenni hee'rinoha mannasi wolassihu gedensaanni, mitte gosa asse albillittete hexxo noonsare assannonsata affanno gede buuxisiisanno.
Tenne dhagge giddo umo ikke leellanno manchi, mannasi Gibitsetenni fushshanno gede Maganu doodhinosihu Museeti. Kunni maxaafi giddo, tonnenta hajajo kiirotenni kulloonnitinna lowo geeshsha egennantinoti lemiikki fooliishshooti.
Maxaafu Amado:
Israeele Gibitsetenni fultu 1:1—15:21
a. Gibitsete borojjimma 1:1-22
b. Muse ilamanna anjesi heeshsho 2:1—4:31
c. Musenna Aarooni Gibitsete moote ledo coyi'rantu 5:1—11:10
d. Mararrote Ayyaananna Gibitsetenni agure ha'ra 12:1—15:21
Duumu Baarinni Siina Ilaali geeshsha 15:22—18:27
Seeranna Gondooro 19:1—24:18
Qullaawa Dukkananna magansi'rate uyinoonni hajajo 25:1—40:38
دیاریکراوەکانی ئێستا:
FULO BITIMA: QulMax
بەرچاوکردن
هاوبەشی بکە
لەبەرگرتنەوە
دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە
© The Bible Society of Ethiopia; Sidama Holy Bible BSE-UBS 262 P 2014