FULO 1
1
ISRAEELE GIBITSETE GOBBARA HEEDHEENNA IILLINONSA QARRA
1Mininsa manni ledo Gibitsete gobba hadhinori Yaiqoobi ooso: 2Roobeeli, Simiooni, Leewi, Yihuda, 3Yisaakoori, Zaabilooni, Biiniyaami, 4Daani, Niftaalemi, Gaadiitinna Aseeriiti. 5Yaiqoobi godowa ikkitinori kiironsa lamalaaho.#1:5 lamalaaho yaannohura albi borro Ibiraawootunnitera, lamalaaho yaanno (Kal 45:22 lai); Reyino Baari qooxeessira anfoonni borronna lamalawu fullahooti tiro, Lamalayina onteho yitanno (Soq 7:14 lai). Hatte yannara, Yooseefi Gibitsete Gobbara hee'ranno.
6Lowo yanna gedensaanni Yooseefi, roduuwisinna ledonsa ilama baala reyitu. 7Ilamansa Israeele kayinni ilante batidhe Gibitsete baatto wo'mitu; kiironsa lowo geeshsha batidhino daafira waajjinannire ikkitu.
8Hakkunni gedensaanni, Gibitsete gobbara Yooseefi egenninokkihu haaru moote moohi. 9Isino mannisira, «Kuneeti kuri Israeelootu kiiro batidhino; ninkerano wolqissinonke. 10Olu ka"anno yannara diininkera ha'lite qassannonkekki gede, kiironsa batidhannokki gedenna gobbankenni fulte ba'annokki gede, amme mala kalanqona» yii. 11Yitinonte gede Gibitsootu, wolqate loosinni gadadissannore kaajjadda Gibitsete loosiisaano wortunsa; Ferioonirano, Fitoominna Raamise yinannire gidenna uduunne duunnanni katamma mintanno gede assitu. 12Ikkollana, Israeele gadadantu deerrinni kiironsa batidhu; baattote aanano hala'litu; kunninni kainohunni, Gibitsootu Israeeloota lowo geeshsha waajjitunsa. 13Mararro nookkiha gadadissanni loosiissunsa. 14Mittoreno marartannokkiha sabba kadisiissanni, xuube seekkisiissanninna gate loosiissanni caacceessitunsa.
15Hakkunni gedensaanni, Gibitsete moote Ibiraawootu meento ilshiishannore Siphaaranna Fuha yinannire woshshe, 16«Ibiraawootu meento ilshiishshinanni yannara, ilamanno qaaqqi labbaaha ikkiro darganko shitine hunne; meyata ikkituro kayinni heedhona agurre» yiinsa. 17Meentu kayinni Magano waajjino daafira, Gibitsete moote yiino gede assikkinni, labbaa qaaqquulle lubbotenni hee'ranno gede aguri. 18Kunni daafira, Gibitsete moote ilshiishanno meento woshshe, «Togo mayira assitini? Labbaa qaaqquulle mayira gatissini?» yee xa'minsa.
19Insano, «Ibiraawootu meenti Gibitsennihu gedeeha di"ikkino; jawaatoota ikkinohura, ninke iillinummokkinni balaxe ilanno daafiraati» yee dawarisi. 20-21Ilshiishanno meenti Magano waajjino daafira, Maganuno danchare assinsa; mitte mittentera uminsa maate uyinsa; Israeelete mannino hala'li; kiironsano batidhu. 22Hakkunni gedensaanni Feriooni mannasi baala, «Ibiraawootunniha ilamannoha labbaa qaaqquulle baala massitine Abbayi Wayi giddo tugge; meya qaaqquulli kayinni lubbotenni hee'rona agurre» yee hajaji.
دیاریکراوەکانی ئێستا:
FULO 1: QulMax
بەرچاوکردن
هاوبەشی بکە
لەبەرگرتنەوە
دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە
© The Bible Society of Ethiopia; Sidama Holy Bible BSE-UBS 262 P 2014