FULO 17
17
KINCHU GIDDONNI FULINO WAA
(Ful 20:1-13)
1Israeelete manni baalunku Kaaliiqi hajajonni basetenni base sa"anni Siini yinanni halallinni agure ha're, Refidiimi yinanniwa mare baxxisi'ri; ikkollana hakkiicho anganni wayi dino. 2Kunnira Mannu, «Angeemmo waa uyinke?» yaanni Musera gungumi.
Museno, «Ane mayira boroortinannie? Kaaliiqano mayira jiffinanni?» yiinsa.
3Mannu kayinni waa goo're noo daafira, «Ninkenna oosonke, saadankeno hada goo'rotenni shaattonkeraati Gibitsetenni fushshittonkehu?» yaanni Musera gungumi.
4Museno, «Kinchunni gante shitaeraatina konne manna hiisso?» yaanni Kaaliiqiwa hige raari.
5Kaaliiqi Muse, «Shiima Israeelete geerra anga haadhe, mannaho albaanni sai; Abbayi Waa ganitto siqqono anga haa'ri. 6Ani Siina Ilaalira kinchu aana albakkiinni uurreemmo; atino hakkonne kincho ganatto; mannu aganno wayino kinchu giddonni fulanno» yiisi. Muse Israeelete geerri la'anna Kaaliiqi yiinosi gede assi.
7Hakko dargira, Maasahinna Meriiba #17:7 Maasahi yaa Ibiraawootu afiinni jifate yaate. Meriiba yaa Ibiraawootu afiinni abbooshshi'rate yaate. yine su'ma fushshini. Hatto yinoonnihu, «Kaaliiqi ledonke noonso dino?» yitanni Kaaliiqa jiffinohuraatinna abbooshshidhinohuraati.
AMAALEQOOTU LEDO OLA
8Amaaleqootu Refidiimi yinanni darga Israeele qassu. 9Muse Iyyaasura, «Ani ga'a Maganu siqqo anga haa're mare ilaalu aana uurreemmona, ati shiima manna adhite fulte Amaaleqootu ledo olami» yii. 10Iyyaasuno Muse yiino gede fule Amaaleqootu ledo olami; Muse, Aarooninna Hoorino gaaru aanira fultu. 11Muse anga gotti assanno kiiro Israeele qeeltu; angasi dirrisanno woyite kayinni Amaaleqootu qeeltunsa. 12Musera anga xissitusita, Aarooninna Hoori ofollanno kincho haadhe shiqishshusi; insano ka'aanna kawaa higge arrishsho e'a geeshsha anga irkissusi. 13Kunni garinni Iyyaasu Amaaleqoota shakki asse gudi.
14Kaaliiqi Muse, «Amaaleqootu taraare baattote aaninni co'o asse gudammoraatina, konne coye qaaggote maxaafira borreessi; Iyyaasurano kulisi» yii. 15Muse kakkalote darga seekke, hakko dargirano, «Kaaliiqi Qeellete Malaate'yaati» yee su'ma fushshi. 16Qoleno, «Kaaliiqiha qeellete malaate gotti assitine amadde! Kaaliiqi Amaaleqoota hegere geeshsha qasanno» yii.
دیاریکراوەکانی ئێستا:
FULO 17: QulMax
بەرچاوکردن
هاوبەشی بکە
لەبەرگرتنەوە
دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە
© The Bible Society of Ethiopia; Sidama Holy Bible BSE-UBS 262 P 2014
FULO 17
17
KINCHU GIDDONNI FULINO WAA
(Ful 20:1-13)
1Israeelete manni baalunku Kaaliiqi hajajonni basetenni base sa"anni Siini yinanni halallinni agure ha're, Refidiimi yinanniwa mare baxxisi'ri; ikkollana hakkiicho anganni wayi dino. 2Kunnira Mannu, «Angeemmo waa uyinke?» yaanni Musera gungumi.
Museno, «Ane mayira boroortinannie? Kaaliiqano mayira jiffinanni?» yiinsa.
3Mannu kayinni waa goo're noo daafira, «Ninkenna oosonke, saadankeno hada goo'rotenni shaattonkeraati Gibitsetenni fushshittonkehu?» yaanni Musera gungumi.
4Museno, «Kinchunni gante shitaeraatina konne manna hiisso?» yaanni Kaaliiqiwa hige raari.
5Kaaliiqi Muse, «Shiima Israeelete geerra anga haadhe, mannaho albaanni sai; Abbayi Waa ganitto siqqono anga haa'ri. 6Ani Siina Ilaalira kinchu aana albakkiinni uurreemmo; atino hakkonne kincho ganatto; mannu aganno wayino kinchu giddonni fulanno» yiisi. Muse Israeelete geerri la'anna Kaaliiqi yiinosi gede assi.
7Hakko dargira, Maasahinna Meriiba #17:7 Maasahi yaa Ibiraawootu afiinni jifate yaate. Meriiba yaa Ibiraawootu afiinni abbooshshi'rate yaate. yine su'ma fushshini. Hatto yinoonnihu, «Kaaliiqi ledonke noonso dino?» yitanni Kaaliiqa jiffinohuraatinna abbooshshidhinohuraati.
AMAALEQOOTU LEDO OLA
8Amaaleqootu Refidiimi yinanni darga Israeele qassu. 9Muse Iyyaasura, «Ani ga'a Maganu siqqo anga haa're mare ilaalu aana uurreemmona, ati shiima manna adhite fulte Amaaleqootu ledo olami» yii. 10Iyyaasuno Muse yiino gede fule Amaaleqootu ledo olami; Muse, Aarooninna Hoorino gaaru aanira fultu. 11Muse anga gotti assanno kiiro Israeele qeeltu; angasi dirrisanno woyite kayinni Amaaleqootu qeeltunsa. 12Musera anga xissitusita, Aarooninna Hoori ofollanno kincho haadhe shiqishshusi; insano ka'aanna kawaa higge arrishsho e'a geeshsha anga irkissusi. 13Kunni garinni Iyyaasu Amaaleqoota shakki asse gudi.
14Kaaliiqi Muse, «Amaaleqootu taraare baattote aaninni co'o asse gudammoraatina, konne coye qaaggote maxaafira borreessi; Iyyaasurano kulisi» yii. 15Muse kakkalote darga seekke, hakko dargirano, «Kaaliiqi Qeellete Malaate'yaati» yee su'ma fushshi. 16Qoleno, «Kaaliiqiha qeellete malaate gotti assitine amadde! Kaaliiqi Amaaleqoota hegere geeshsha qasanno» yii.
© The Bible Society of Ethiopia; Sidama Holy Bible BSE-UBS 262 P 2014