FULO 16
16
MAGANU ISRAEELETE MANNIRA MENNA YINANNI SAGALENNA HEEYYAHE DIRRISINSA
1Israeele Eliiminni ka'e hadhu; Gibitsete gobbanni fultuhunni layinki aganira tonaa ontikki barra Eliiminna Siina ilaalla mereero noohuwa Siini yinanni halalla martu. 2Israeele baalanti halalla Museranna Aaroonira gunguntanni, 3«Ninke baalanka hudetenni guddinankera halallira fushshitininke? Maalu midaano mule ofollinoommoro nafa, sagale inte duumbeemmo. Kaaliiqi mayira Gibitsete gobbara hee'neennanni shee guda giwinke!» yitu.
4Kaaliiqi Musera, «Hajajo'ya agadhitannoronna hooggannoro afate iiminni sagale dirriseemmona, mannu barru barrunkunni fule hakko barrira ikkitannota calla gamba assi'rona. 5Leelki barra kayinni, wolu barrinni roorse 2 anga gamba assi'rona» yiisi.
6Kunnira, Musenna Aarooni Israeelete manni baalunkura, «Gibitsete gobbanni fushshino'nehu Kaaliiqa ikkinota techo hashsha affinanni; 7soodanno woyiteno Kaaliiqi ayirrinye leellishanno xawaabba la'inanni; ninke isi yiinore calla assineemmore ikkinoommo daafira, gunguntinoonnihu isiraati ikkinnina dininkeraati» yitunsa. 8Museno daware, «Kaaliiqira mageeshshi geeshsha gunguntinoonniro macciishshino; kunnira hawarro maala, soodono sagale hasidhini geeshsha itisanno'ne; aanno'nehu Kaaliiqaatina, ninke assine anfeemmori dino; gunguntinoonnihuno dininkeraatina Kaaliiqiraati» yii.
9Muse Aaroonira, «Israeelete manni baalaho, ‹Gunguntinoonnita afinona Kaaliiqiwa shiqqi yiiyye› yite kulinsa» yii. 10Aarooni Israeelete manni baalunkura coyi'ranni hee'reenna, insano alba halallitte gobba widira higge shawwu yitu; Kaaliiqi ayirrinye leellishanno xawaabbino gomichu aana leelli. 11Kaaliiqino Musera, 12«Israeelete manni gunguminoeta macciishshoommona, ‹Hawarro maala ittinanni; soodanno woyiteno hasidhini sagale duubbinanni; ani Magano'ne Kaaliiqa ikkoommotano affinanni yiino› yite kulinsa» yiisi.
13Hawarro heeyyahe dagge qacha wo'mitu; soodanno woyiteno qacha baalaho loju uwe no. 14Uwino loji giggilihu gedensaanni, baattote aana tattayinsoonni waasi gede ikke leelli. 15Israeelete manni afe egenninokkire ikkino daafira insa insanaa, «Kuni maati?» yite xa'mitu.
Museno, «Tini Kaaliiqi ittinara uyino'ne sagaleeti. 16Mitti mitti'ne ikkanno'ne geeshshiha gamba assidhe; mine'ne noo manni kiironni mittu mittunkura shiimu saffi wo'ma gamba assidhe» yiinsa.
17Israeelete manni, mitu shiima mitu lowoha gamba assi'ri. 18Saffunni bikkitanno woyite, lowoha gamba assi'rinohura wo'me digatino; shiima gamba assi'rinohurano dixeino; baalunku gamba assidhinohu hasiisannonsa geeshshiha ikki. 19Museno, «Tenne sagale ayino ga'ara gashshi'roonke» yiinsa. 20Mitu mitu manni kayinni, Muse yiinota giwe layinki soodora gashshi'ri; gashshidhinorihu da'muule bowi; Museno hanqinsa. 21Mannu baalunku hakko barrira ikkannoha gute gute fule gamba assi'ri; gatinohu arrishsho iibbitu yannara shiile goofi.
22Leelki barra 2 anga assite 2 saffe ikkitanno sagale gamba assidhu. Albisootinsano tenne dagge Musera kultusi. 23Isino daware, «Ga'a barri Kaaliiqira aamaminohonna Fooliishshote Barraati.#16:23 Fooliishshote Barraati yinihu barru kiirora qidaamete. Ga'nitinanni tima techo ga'ne; gafidhinannireno techonni gafidhe; gatinoha beekkine ga'ara gashshidhe» yiinsa. 24Muse hajajinte gede gatinoha ga'ara gashshidhu; gashshidhinohuno dibowino; diinoda'muulino. 25Muse, «Techo Kaaliiqi Fooliishshootina itte; techo sagale gobba diafidhinanni. 26Kunni daafira, leyunku barrinni gamba assidhe; lamalki barri kayinni, Fooliishshote Barra ikkinohura sagale diheedhanno» yii.
27Lamalki barra mitu mitu manni gamba assi'rara fuli; kayinnilla mittoreno diafi'rino. 28Kaaliiqi Musera, «Hajajo'yanna seera'ya macciishshitinannikkihu mamooti geeshshaati? 29Fooliishshote Barra oommo'neta affe; kunni daafira, leelki barra 2 barrira ikkitanno sagale oommo'ne; lamalki barra, ayino noowiinni kae hajamoonke» yii. 30Kunnira, mannu lamalki barra fooliishshi'ri.
31Israeele hattenne sagale Menna yitu. Kunirichi, waajjo manii'ra guma lawanno; coommillisino malawu qaso gedeeho. 32Museno, «Kaaliiqi hajajino coyi konneeti: Gibitsete gobbanni fushshummo'ne yannara halallitte gobbara heedhineenna itisoommo'ne sagale dagganno ilama la'anno gede, mitto saffe wo'ma haadhe maaxi» yii. 33Museno Aaroonira, «Dagganno ilama la'anno gede, mitto saffe wo'manno menna haadhe gambayichu giddo Maganu albaanni wori» yii. 34Kaaliiqi Muse hajajinosi garinni, maanxe worranni gede Aarooni masse Gondooru Taabootira#16:34 Gondooru Taaboota yaannoha Ibiraawootu afiinni borreessinoonnihura, Naqaashshete yaanno. albaanni wori. 35Israeelete manni, hee'ranno gobba Kana"aanita mare iilla geeshsha, 40 diro wo'ma tenne sagale itanni hee'rino. 36Mittu saffi gimboolaho tonnikki anga ikkanno.
دیاریکراوەکانی ئێستا:
FULO 16: QulMax
بەرچاوکردن
هاوبەشی بکە
لەبەرگرتنەوە
دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە
© The Bible Society of Ethiopia; Sidama Holy Bible BSE-UBS 262 P 2014
FULO 16
16
MAGANU ISRAEELETE MANNIRA MENNA YINANNI SAGALENNA HEEYYAHE DIRRISINSA
1Israeele Eliiminni ka'e hadhu; Gibitsete gobbanni fultuhunni layinki aganira tonaa ontikki barra Eliiminna Siina ilaalla mereero noohuwa Siini yinanni halalla martu. 2Israeele baalanti halalla Museranna Aaroonira gunguntanni, 3«Ninke baalanka hudetenni guddinankera halallira fushshitininke? Maalu midaano mule ofollinoommoro nafa, sagale inte duumbeemmo. Kaaliiqi mayira Gibitsete gobbara hee'neennanni shee guda giwinke!» yitu.
4Kaaliiqi Musera, «Hajajo'ya agadhitannoronna hooggannoro afate iiminni sagale dirriseemmona, mannu barru barrunkunni fule hakko barrira ikkitannota calla gamba assi'rona. 5Leelki barra kayinni, wolu barrinni roorse 2 anga gamba assi'rona» yiisi.
6Kunnira, Musenna Aarooni Israeelete manni baalunkura, «Gibitsete gobbanni fushshino'nehu Kaaliiqa ikkinota techo hashsha affinanni; 7soodanno woyiteno Kaaliiqi ayirrinye leellishanno xawaabba la'inanni; ninke isi yiinore calla assineemmore ikkinoommo daafira, gunguntinoonnihu isiraati ikkinnina dininkeraati» yitunsa. 8Museno daware, «Kaaliiqira mageeshshi geeshsha gunguntinoonniro macciishshino; kunnira hawarro maala, soodono sagale hasidhini geeshsha itisanno'ne; aanno'nehu Kaaliiqaatina, ninke assine anfeemmori dino; gunguntinoonnihuno dininkeraatina Kaaliiqiraati» yii.
9Muse Aaroonira, «Israeelete manni baalaho, ‹Gunguntinoonnita afinona Kaaliiqiwa shiqqi yiiyye› yite kulinsa» yii. 10Aarooni Israeelete manni baalunkura coyi'ranni hee'reenna, insano alba halallitte gobba widira higge shawwu yitu; Kaaliiqi ayirrinye leellishanno xawaabbino gomichu aana leelli. 11Kaaliiqino Musera, 12«Israeelete manni gunguminoeta macciishshoommona, ‹Hawarro maala ittinanni; soodanno woyiteno hasidhini sagale duubbinanni; ani Magano'ne Kaaliiqa ikkoommotano affinanni yiino› yite kulinsa» yiisi.
13Hawarro heeyyahe dagge qacha wo'mitu; soodanno woyiteno qacha baalaho loju uwe no. 14Uwino loji giggilihu gedensaanni, baattote aana tattayinsoonni waasi gede ikke leelli. 15Israeelete manni afe egenninokkire ikkino daafira insa insanaa, «Kuni maati?» yite xa'mitu.
Museno, «Tini Kaaliiqi ittinara uyino'ne sagaleeti. 16Mitti mitti'ne ikkanno'ne geeshshiha gamba assidhe; mine'ne noo manni kiironni mittu mittunkura shiimu saffi wo'ma gamba assidhe» yiinsa.
17Israeelete manni, mitu shiima mitu lowoha gamba assi'ri. 18Saffunni bikkitanno woyite, lowoha gamba assi'rinohura wo'me digatino; shiima gamba assi'rinohurano dixeino; baalunku gamba assidhinohu hasiisannonsa geeshshiha ikki. 19Museno, «Tenne sagale ayino ga'ara gashshi'roonke» yiinsa. 20Mitu mitu manni kayinni, Muse yiinota giwe layinki soodora gashshi'ri; gashshidhinorihu da'muule bowi; Museno hanqinsa. 21Mannu baalunku hakko barrira ikkannoha gute gute fule gamba assi'ri; gatinohu arrishsho iibbitu yannara shiile goofi.
22Leelki barra 2 anga assite 2 saffe ikkitanno sagale gamba assidhu. Albisootinsano tenne dagge Musera kultusi. 23Isino daware, «Ga'a barri Kaaliiqira aamaminohonna Fooliishshote Barraati.#16:23 Fooliishshote Barraati yinihu barru kiirora qidaamete. Ga'nitinanni tima techo ga'ne; gafidhinannireno techonni gafidhe; gatinoha beekkine ga'ara gashshidhe» yiinsa. 24Muse hajajinte gede gatinoha ga'ara gashshidhu; gashshidhinohuno dibowino; diinoda'muulino. 25Muse, «Techo Kaaliiqi Fooliishshootina itte; techo sagale gobba diafidhinanni. 26Kunni daafira, leyunku barrinni gamba assidhe; lamalki barri kayinni, Fooliishshote Barra ikkinohura sagale diheedhanno» yii.
27Lamalki barra mitu mitu manni gamba assi'rara fuli; kayinnilla mittoreno diafi'rino. 28Kaaliiqi Musera, «Hajajo'yanna seera'ya macciishshitinannikkihu mamooti geeshshaati? 29Fooliishshote Barra oommo'neta affe; kunni daafira, leelki barra 2 barrira ikkitanno sagale oommo'ne; lamalki barra, ayino noowiinni kae hajamoonke» yii. 30Kunnira, mannu lamalki barra fooliishshi'ri.
31Israeele hattenne sagale Menna yitu. Kunirichi, waajjo manii'ra guma lawanno; coommillisino malawu qaso gedeeho. 32Museno, «Kaaliiqi hajajino coyi konneeti: Gibitsete gobbanni fushshummo'ne yannara halallitte gobbara heedhineenna itisoommo'ne sagale dagganno ilama la'anno gede, mitto saffe wo'ma haadhe maaxi» yii. 33Museno Aaroonira, «Dagganno ilama la'anno gede, mitto saffe wo'manno menna haadhe gambayichu giddo Maganu albaanni wori» yii. 34Kaaliiqi Muse hajajinosi garinni, maanxe worranni gede Aarooni masse Gondooru Taabootira#16:34 Gondooru Taaboota yaannoha Ibiraawootu afiinni borreessinoonnihura, Naqaashshete yaanno. albaanni wori. 35Israeelete manni, hee'ranno gobba Kana"aanita mare iilla geeshsha, 40 diro wo'ma tenne sagale itanni hee'rino. 36Mittu saffi gimboolaho tonnikki anga ikkanno.
© The Bible Society of Ethiopia; Sidama Holy Bible BSE-UBS 262 P 2014