2 TIMUTIU 3
3
Da lodu hupu njàpuna
1Namu-maya yiana: La lodu - lodu hupu njàpuna ba dadangu da handuka. 2Da tau napa jiaya na wai ngera wiki-maada na pa-kanandi-da, na hurida da-matarungu ndui, dangamba, dàngu dakàli panii abungu. Nyuda da-mbuhangu pa-paakangu tau, da-patarangu la ina amada, nda dapingu pa-malangungu, dàngu da-kamàri-nya na hangia - hangia na ma-pangahu. 3Nyuda nda da-mbuhangu anguda, nda da-mbuhangu pa-jàmangu njala, da-pairaku-ya na tamu tau hawiangu, dakàli wàngu ma-hanggàritu, dakàli mbana eti dàngu nda dambuha-nya na mahàmu. 4Nyuda dakàli papuha, da-hangànjaru, nda damalai kanandingu. Dambuha ninyapa na hàmuna la pinu tana, welingu la pa-manundu lai Ala. 5Jiapa ka da-manundu la panunju-ha da kalaratu anggama ba itaha, tàka da-tebuku-ya na ihi mbàngina na anggama. Wiliru-nja da tau tungu nu. 6Ninja la hongada nyuda da marunu la hau uma - hau uma, hi da-awahu-ha da kawini ànga, da mambana dangu njalada, da pa-panyàku la pa-itirungu hangia - hangia. 7Da kawini nuda dakarai mànu ka-ajaru-ha, tàka nda da-handàkangu ndoku papinya na pa-ajaru na ma-deningu welingu lai Ala. 8Hama tuda i Yanihu dàngu i Yamberihu ba da-rawaku-ya i Muha la handàka-na, tuna numbu da tau nuda ba da-rawaku-ya na pa-ajaru na ma-deningu welingu lai Ala. Na kanandingu-da nda na-patuba-apa, dàngu na pawaida na-yàmihu-ka. 9Tàka nyuda nda nggàra-a patoma-da, nadu napa na ndubada nyuda ba pi hàla-nanyaka tau, hama tuna na pahunggu-da i Yanihu dàngu i Yamberihu-mbudu.
Da lii panau papekangu
10Tàka nyumu mbàda tundu-munjaka da lii pa-ajaru-nggu, na nggoda nggàduku-nggu, dàngu na ngia pa-hanggangu-na na luringgu. Ita wiki-mamu-nyaka nyumu jàka nggikina nyungga ba weli eti-manggu duku pawaiya i Yehu Karitu dàngu ba kumbuha-nya na angunggu patau. Mupi-manya nyumu na pa-torungu-nggu dàngu na pa-jàrungu-nggu. 11Muita-makaka ba pajàra-ka dàngu na mayila-nggu. Mupi hàla-manya nyumu na matumbu la ngeranggu nyungga la Atiokia, la Ikuniumu, dàngu la Litaru, dàngu mupi hàla-manya nyumu na jàranggu! Tàka i Miri na-pamara-ka welingu la mbuu ndàbada nuda. 12Tubangu-ma mbuu ndàbana na tau na ma-mbuhangu paluri lumungu dàngu na maluri pambulu dànya i Karitu Yehu napa ba pa-mayila-ya, 13tàka da tau da ma-akatu dàngu da tau da ma-palapingu napa parukangu-danyaka pa-akatu. Nyuda dalapi-ya na tau hawiangu, tàka nyuda hi palapi-ha padua. 14Tàka jàka jiakau nyumu Timutiu, màtawa kau yàpa pamandu-nja da lii paaja - lii pa-ajaru da ma-deningu da pambàda ajarungu-kau dàngu da pawai weli etimu; nadu bau pimanja jàka nggamuha da nggurumu. 15Munamu-maya bàdi nyumu ba piti welingu pa-anakeda-mu ba mbàda tanda-munyaka na Huratu Matua. Nuna na Huratu Matua jiaya na mawua-nggau pa-jàngapu wàmunya na pa-ngalangu wàngu mànangu rukuna na pawai lai Karitu Yehu. 16Mbuu ndàbada da pa-tulihu daa la Huratu Matua papuru pekana i Alaha da malingu#Mbuu ndàbada da pa-tulihu daa la Huratu Matua papuru pekana i Alaha da malingu; jàka ndia: Nimbihu-da da pa-tulihu la Huratu Matua da papuru pekana i Ala dalingu-mbu. la pa-ajaru wàngu ma-deningu, la pa-kanyàngi dàngu la pa-pahàmu manjala, dàngu la pa-ajaru-ya na tau ka naluri tundunya na pambuha-na i Ala. 17Wànya nuna na Huratu Matua hi pa-nggànapu palundu-nya na tau na malumu-nya i Ala nduma mbuu ndàbana na paràma mahàmu-ka.
دیاریکراوەکانی ئێستا:
2 TIMUTIU 3: KAM
بەرچاوکردن
لەبەرگرتنەوە
بەراوردکردن
هاوبەشی بکە
دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە
@LAI 1995 Indonesian Bible Society (Lembaga Alkitab Indonesia)