Fílíp Kúnsëe
Kúnsëe
Fílíp non ginna pay Pool fi apootara waare ra (Saame Tílëdí apootarra 16.11-40). Payaꞌ ri daaha ra, ɗi cëgíɗté goomali ɓëewí haalute ngémë.
I kíil filoon fi baaha, Pool hom kasu bíníté ɓëy ílí jaŋii Fílíp unni neɓpe keloh, na sím wë di iña kéyrúu wë Epaforodit ɗii na onute ri wa, bee homaꞌ ri coono ra (4.18). Ɗi wonte ɓëy Fílíp ɓal biti wa ham ngémë híin, wa mínëꞌ hanndal ki wa, wa cépíɗ affi wa te wa madaꞌ a Yéesú-Kiristaa (2.1-5). Ɗi ɓaattee waa toñ ɓal nda wa ham Kiristaa na híin, wa ɓanti síkírëh ɓëewí ɓossa, wa fa lukuu foŋko lecoh ra (3.2).
Ɗi wonte wa :
- yii leŋke sosi keeña lahaꞌ ri ɓëewí Kiristaa na ra di Fílíp (1.3-4),
- a yii leŋke iñi afi, teeɓaꞌte na biti nona non ɗi Yéesú-Kiristaa na ra tahte ɗi neehay dara (3.4-9).
Unna bíní Pool ƴee ra lahte ɓëewí wonuu wa : « Unna sosil keeñ ɗa ».
Ɓëyí fí jaŋi téeríi bee ɓéeɓ ay ot biti ow fi ow yen na ɓéeɓ waɗti yípë íllí Kiristaa na, ɗi híin në gíŋ.
دیاریکراوەکانی ئێستا:
Fílíp Kúnsëe: NDV
بەرچاوکردن
هاوبەشی بکە
لەبەرگرتنەوە
دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە
© Wycliffe Bible Translators, Inc. All rights reserved.