GALATIA-TE 5
5
1Azieh pen suotahna i nga nadingin Khris in eite ei suohtasah hi. Tua ahi ziehin suotahna sungah dingkipin saltanna hahkol kisuonkia nawn sih un.
TapidawSuotahna’ Pienzie
2Ngai un! Keima Paul in na kung vuah kang gen ding hi, tep na kitansah uleh Khris in note adingin kimanna a nei poma sih ding hi. 3Tep a kitansah mi zosie tunga teci kang pan kiana-ah, tua mi pa in adang thukham vannuoi a zui lo a phamaw ahi hi. 4Thukham zuina tawh dihtan a sawm note na hi ule Khris tawh kikhenin hepina panin a puamat na hi ta uhi. 5Bangzieh ahei cile kote in upna tawh a kinga dihna pen Hlagau tungtawnin lametna tawh lawptahin ka nga uhi. 6Azieh pen Khris sungah teptan mi hile, teptan lo mi hile bangma thupi lo hi; itna tungtawna nasep theina upna khat beh a thupi ahi hi.
7Note na hi uleh taikidemna-ah hoitahin na tai uhi; note in thuman thutah na zui lo nadingun koi in ang kham ahei? 8Tam bang kizawlna pen note ang hlanpa kung pan hi lo hi. 9Tol themno khat in annel lom buppi a zel sieng hi.#1Cor 5:6 10Note in lungsim tuom nei sih va uteh, ci-in Topa sungah kang muong uhi. Ahi vangin koikoi hinanle note ang subuoi poma in dan a thuoh ding uhi. 11Hizongnanle sanggamte aw, teptanna thu a gen lai hi leng bang dinga ei kibawlsie lailai ding ahei? Tua banga hil hi leng singlamte zieha mawsahna a kihemkhie zo ahi ta hi. 12Note ang buoisah mite ama le ama kiget vet uleh ka nuom hi!
13Bangzieh ahei cile sanggamte aw, no na hi ule a suohta dinga ang kihlante na hi vua, na suotahna uh noma’ dei banga gamtatna#5:13 Gk “cilesa” dingin zang loin, itna tungtawnin khatlekhat’ sila na suohzaw un. 14Bangzieh ahei cile thupieh khat beh ahi, “Nangma na ki-it bangin na vengte na it ding hi,” a ci in thukham buppi a huomsieng ahi ta hi.#Siem 19:18 15Ahi vangin note khatlekhat kipet kibalin na op ule zong khatlekhat na kisietsuo khah lo nadingun kidawm bo un.
Cilesa’ Nasepte
16Hlagau tawh na nungta unlen cilesa lunggulnate na tangtungsah sih un, kang ci hi. 17Bangzieh ahei cile cilesa lunggulnate in Hlagau deina tawh kiledo a, Hlagau deinate in zong cilesa lunggulna tawh kiledo hi; azieh pen tahsa deina pen Hlagau’ deina tawh a ki-elngat a, Hlagau’ deina zong khu tahsa’ deina tawh a ki-elngat hi; bangzieh ahei cile tam tegel pen khatlekhat a kiledo uh ahi hi.#Rom 7:15-23 18Hinanle Hlagau in ang makai uleh thukham nei-ah na om sih uhi. 19Tu-in cilesa nasepnate kician mama a, tuate in: numei-pasal pahtatna, siengtho lona, thangtatna, 20milim biehna, mibumna, mudana, kimat lona, thangsietna, lungthahna, kihauna, kilungtawh lona, kipawl khenna; 21deigawna,#5:21 Adang tang laibute ah “tuolthana” kibelap hi. zukhamna, a kalval guolnop pawi bawlnate le tua bang nam zosie ahi hi; nidanga kang genkholsa bangin kang genkhol ding hi: Tam bang sil a bawl mite in Pasien’ manggam a luo sih ding uhi.
Hlagau’ Ga
22A kilebulin gen vai ci lei, Hlagau’ ga in ki-itna, lungdamna, kilemna, lungduoina, migitna, kiphalna, muonhuoina, 23nunnemna le pumpi uhzawhnate ahi hi. Tam thute tawh a kituoh lo thukham khat beh om lo hi. 24Khris Jesu-a’ ahi mite in a cilesa deinate ule a lunggulnate uh singlamte tungah a kilcip zo ta uhi. 25Hlagau vanga nungta i hi uleh eite zong Hlagau makaina bangin kalsuon vai. 26Eite kiphasah loin khatlekhat kidem loin, khatlekhat zong kithangsiet sih va vui.
دیاریکراوەکانی ئێستا:
GALATIA-TE 5: ZBOTF01
بەرچاوکردن
هاوبەشی بکە
لەبەرگرتنەوە
دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە
Zo Bible © Bible Society of Myanmar, 2018.
GALATIA-TE 5
5
1Azieh pen suotahna i nga nadingin Khris in eite ei suohtasah hi. Tua ahi ziehin suotahna sungah dingkipin saltanna hahkol kisuonkia nawn sih un.
TapidawSuotahna’ Pienzie
2Ngai un! Keima Paul in na kung vuah kang gen ding hi, tep na kitansah uleh Khris in note adingin kimanna a nei poma sih ding hi. 3Tep a kitansah mi zosie tunga teci kang pan kiana-ah, tua mi pa in adang thukham vannuoi a zui lo a phamaw ahi hi. 4Thukham zuina tawh dihtan a sawm note na hi ule Khris tawh kikhenin hepina panin a puamat na hi ta uhi. 5Bangzieh ahei cile kote in upna tawh a kinga dihna pen Hlagau tungtawnin lametna tawh lawptahin ka nga uhi. 6Azieh pen Khris sungah teptan mi hile, teptan lo mi hile bangma thupi lo hi; itna tungtawna nasep theina upna khat beh a thupi ahi hi.
7Note na hi uleh taikidemna-ah hoitahin na tai uhi; note in thuman thutah na zui lo nadingun koi in ang kham ahei? 8Tam bang kizawlna pen note ang hlanpa kung pan hi lo hi. 9Tol themno khat in annel lom buppi a zel sieng hi.#1Cor 5:6 10Note in lungsim tuom nei sih va uteh, ci-in Topa sungah kang muong uhi. Ahi vangin koikoi hinanle note ang subuoi poma in dan a thuoh ding uhi. 11Hizongnanle sanggamte aw, teptanna thu a gen lai hi leng bang dinga ei kibawlsie lailai ding ahei? Tua banga hil hi leng singlamte zieha mawsahna a kihemkhie zo ahi ta hi. 12Note ang buoisah mite ama le ama kiget vet uleh ka nuom hi!
13Bangzieh ahei cile sanggamte aw, no na hi ule a suohta dinga ang kihlante na hi vua, na suotahna uh noma’ dei banga gamtatna#5:13 Gk “cilesa” dingin zang loin, itna tungtawnin khatlekhat’ sila na suohzaw un. 14Bangzieh ahei cile thupieh khat beh ahi, “Nangma na ki-it bangin na vengte na it ding hi,” a ci in thukham buppi a huomsieng ahi ta hi.#Siem 19:18 15Ahi vangin note khatlekhat kipet kibalin na op ule zong khatlekhat na kisietsuo khah lo nadingun kidawm bo un.
Cilesa’ Nasepte
16Hlagau tawh na nungta unlen cilesa lunggulnate na tangtungsah sih un, kang ci hi. 17Bangzieh ahei cile cilesa lunggulnate in Hlagau deina tawh kiledo a, Hlagau deinate in zong cilesa lunggulna tawh kiledo hi; azieh pen tahsa deina pen Hlagau’ deina tawh a ki-elngat a, Hlagau’ deina zong khu tahsa’ deina tawh a ki-elngat hi; bangzieh ahei cile tam tegel pen khatlekhat a kiledo uh ahi hi.#Rom 7:15-23 18Hinanle Hlagau in ang makai uleh thukham nei-ah na om sih uhi. 19Tu-in cilesa nasepnate kician mama a, tuate in: numei-pasal pahtatna, siengtho lona, thangtatna, 20milim biehna, mibumna, mudana, kimat lona, thangsietna, lungthahna, kihauna, kilungtawh lona, kipawl khenna; 21deigawna,#5:21 Adang tang laibute ah “tuolthana” kibelap hi. zukhamna, a kalval guolnop pawi bawlnate le tua bang nam zosie ahi hi; nidanga kang genkholsa bangin kang genkhol ding hi: Tam bang sil a bawl mite in Pasien’ manggam a luo sih ding uhi.
Hlagau’ Ga
22A kilebulin gen vai ci lei, Hlagau’ ga in ki-itna, lungdamna, kilemna, lungduoina, migitna, kiphalna, muonhuoina, 23nunnemna le pumpi uhzawhnate ahi hi. Tam thute tawh a kituoh lo thukham khat beh om lo hi. 24Khris Jesu-a’ ahi mite in a cilesa deinate ule a lunggulnate uh singlamte tungah a kilcip zo ta uhi. 25Hlagau vanga nungta i hi uleh eite zong Hlagau makaina bangin kalsuon vai. 26Eite kiphasah loin khatlekhat kidem loin, khatlekhat zong kithangsiet sih va vui.
Zo Bible © Bible Society of Myanmar, 2018.