စံးထီၣ်ပတြၢၤ 75
75
ကစၢ်ယွၤပှၤစံၣ်ညီၣ်တၢ်
1ကစၢ်ယွၤဧၢ, ပစံးဘျုးစံးဖှိၣ်နၤ, ပစံးဘျုးစံးဖှိၣ်တၢ်လီၤ.
ပကိးထီၣ်နမံၤ
ဒီးပဂံၢ်ထီၣ်ဒွးထီၣ်က့ၤနတၢ်ဒိၣ်တၢ်မုၢ်
နတၢ်မၤလီၤလးတဖၣ်န့ၣ်လီၤ.
2ကစၢ်ယွၤစံးဝဲဒၣ်, “ယပာ်လီၤတၢ်ဆၢကတီၢ်လၢယကစံၣ်ညီၣ်တၢ်
ဒီးယကစံၣ်ညီၣ်တၢ်လၢ တၢ်တီတၢ်လိၤအပူၤလီၤ.”
3တၢ်လၢအမူဝဲခဲလၢာ်မ့ၢ်ကနိးကစုာ်,
ဒီးဟီၣ်ခိၣ်ဒၣ်လဲာ်မ့ၢ်ဟူးဝးဝဲဘၣ်ဆၣ်,
ယကမၤဂၢၢ်ကျၢၤအခီၣ်ထံးတဖၣ်န့ၣ်လီၤ. စ့လၤ
4ယစံးဘၣ်ပှၤအၢပှၤသီတဖၣ်လၢ
အသုတပာ်ကဖိအသးလၢၤတဂ့ၤ
5ယစံးဘၣ်အဝဲသ့ၣ်လၢ ကဆိကတီၢ်
တၢ်ပာ်ထီၣ်ထီသးန့ၣ်လီၤ.
6တၢ်စံၣ်ညီၣ်တဟဲလၢမုၢ်ထီၣ်မ့ၢ်ဂ့ၤ, မုၢ်နုာ်မ့ၢ်ဂ့ၤ,
ကလံၤစိးမ့ၢ်ဂ့ၤ, ကလံၤထံးမ့ၢ်ဂ့ၤန့ၣ်ဘၣ်.
7မ့မ့ၢ်ကစၢ်ယွၤမ့ၢ်ပှၤလၢအစံၣ်ညီၣ်တၢ်,
စံၣ်ညီၣ်ပှၤတနီၤဒီးမၤပူၤဖျဲးပှၤအဂၤတနီၤန့ၣ်လီၤ.
8ယွၤစိာ်လီခီတဖျၢၣ်လၢအစုပူၤ,
ပှဲၤဝဲဒီးအတၢ်သးထီၣ် စပံးထံလၢအဆူၣ်န့ၣ်လီၤ.
အဝဲလူလီၤဝဲဒီးပှၤတတီတလိၤခဲလၢာ်အီဝဲဒၣ်,
ဒီးအဝဲသ့ၣ်အီဝဲတုၤအလၢာ်န့ၣ်လီၤ.
9ဘၣ်ဆၣ်ယကသူၣ်ခုသးခုထီဘိ,
ယကသးဝံၣ်စံးထီၣ်ပတြၢၤ
စီၤယၤကိာ်အကစၢ်ယွၤန့ၣ်လီၤ.
10အဝဲကဘိးကၢ်ကွံာ်ပှၤတတီတလိၤအစိကမီၤလီၤ.
မ့မ့ၢ်ပှၤတီပှၤလိၤအစိအကမီၤန့ၣ် ကမၤအါထီၣ်ဝဲဒၣ်န့ၣ် လီၤ.
دیاریکراوەکانی ئێستا:
စံးထီၣ်ပတြၢၤ 75: KSWC
بەرچاوکردن
لەبەرگرتنەوە
بەراوردکردن
هاوبەشی بکە
دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە
Sgaw Karen Common Bible © Bible Society of Myanmar, 1992.